ഇപ്പോൾ വിദ്യാർഥികൾക്കു സഹായമാകുന്ന 105 വാക്യത്തിൽ പ്രയോഗം മറ്റൊരു പേജിൽ ലഭ്യമാണ്-https://www.malayalamplus.com/2022/04/blog-post.html
തമാശയുള്ള പ്രയോഗങ്ങൾ മാത്രമായി ചിലത് താഴെ കൊടുത്തിരിക്കുന്നു-
ഉണ്ണിക്കുട്ടന്‍ ക്ലാസ്സിലെ ഒന്നാന്തരം ഉഴപ്പനായിരുന്നു. വാക്യത്തിൽ പ്രയോഗിക്കാൻ നൽകിയ വാക്കുകൾക്ക് അവന്റെ ഉത്തരങ്ങള്‍ ദാ...ഇങ്ങനെ...
നാലരക്കോടി -
നാലേമുക്കാലിനുള്ള ബസ്സ് കിട്ടാനായി ഞാൻ നാലരക്കോടി.
സിംഹാസനം-
അഭ്യാസിയായ സിംഹം, സര്‍ക്കസ് കൂടാരത്തിലെ തീവളയത്തിലൂടെ ചാടിയപ്പോള്‍ സിംഹാസനം പൊള്ളി.
കാട്ടാന-
നാലുപേര്‍കൂടി എന്നെ വളഞ്ഞിട്ടു തല്ലിയപ്പോള്‍ ഞാനെന്തു കാട്ടാനാ?
ഉത്തരം മുട്ടുക-
വീടിന്റെ പൊട്ടിയ ഓടുമാറ്റി ഇറങ്ങിയപ്പോള്‍ എന്റെ തലയില്‍ ഉത്തരം മുട്ടി.
ഇനിമേല്‍-
ഊണുകഴിക്കാന്‍ വിളിച്ചപ്പോള്‍ അച്ഛൻ പറഞ്ഞു- ഇനിമേല്‍ കഴുകിയിട്ട് വരാമെന്ന്.
തട്ടിമുട്ടി ജീവിക്കുക-
ശശി തിരക്കേറിയ ബസിലെ കണ്ടക്ടറായതിനാല്‍ തട്ടിമുട്ടി ജീവിച്ചുപോന്നു.
വിമ്മിഷ്ടം -
പതിവായി സര്‍ഫ് സോപ്പ് ഉപയോഗിച്ച് മടുത്ത അമ്മയ്ക്ക് അച്ഛൻ ഇന്നലെ വാങ്ങിക്കൊണ്ടുവന്ന വിമ്മിഷ്ടമായി.
മതികെട്ടാന്‍-
അതിര്‍ത്തിത്തര്‍ക്കം ഉള്ളതിനാല്‍ മതില്‍ പണിയുന്നവരോട് അമ്മ പറഞ്ഞു- മതികെട്ടാന്‍ വരട്ടെ.
എട്ടുംപൊട്ടും -
എട്ടുമുട്ടകൾ എന്റെ കയ്യില്‍നിന്നും തറയില്‍ വീണപ്പോള്‍ മനസ്സിലായി- എട്ടും പൊട്ടും!
നാലുകെട്ട്-
മൂന്നാമത്തെ ആളും സുമതിയെ ഉപേക്ഷിച്ചപ്പോള്‍ കണിയാന്‍ അവളോടു പറഞ്ഞു- നാലുകെട്ട്.
മുടന്തന്യായം-
കവലയില്‍ വച്ചു പിച്ചക്കാരനായ ഒരു മുടന്തന്‍ ന്യായം പറയുന്നതു ഞാന്‍ കേട്ടു.
പിടികിട്ടി-
ഇന്നലെ ശക്തമായ മഴയിലും കാറ്റിലും എന്റെ കുടയുടെ മേല്‍ഭാഗം പറന്നുപോയപ്പോള്‍ പിടികിട്ടി.
അടിച്ചേല്‍പ്പിച്ചു-
രാവിലെ എട്ടുമണിക്കു ശേഷവും ഉറങ്ങുകയായിരുന്ന എന്നെ അമ്മ അടിച്ചേല്‍പ്പിച്ചു.
മഹാബലി-
കള്ളന്‍ മതില്‍ ചാടിയത് പോലീസുകാരുടെ മഹാബലിഷ്ഠമായ കൈകളിലേക്കായിരുന്നു.
ആപാദചൂഡം-
ഇന്ദ്രചൂഡന്റെ ചേട്ടനായിരുന്നു ആപാദചൂഡന്‍.
ശബ്ദതാരാവലി-
തോട്ടി നീട്ടിപ്പിടിച്ചു ശബ്ദതാര മാങ്ങാ പറിക്കുമ്പോള്‍ അമ്മ പറഞ്ഞു- ശബ്ദതാരാവലി.
പ്രതികരണം-
കോടതിവരാന്തയില്‍ വാദിയുമായി വഴക്കിട്ടു പ്രതികരണം നോക്കി അടിച്ചു.
പൊട്ടിത്തെറി-
ആശുപത്രിയില്‍ ഡോക്ടറെ കണ്ടപ്പോള്‍ പൊട്ടി തെറി വിളിച്ചു.
ആന്ത്രനോവ്-
വയറുവേദനയുമായി ഞാന്‍ ആയുര്‍വേദ ഡോക്ടറെ കണ്ടപ്പോള്‍ ഒരു ആന്ത്രനോവിന്റെ കാര്യം പറഞ്ഞു. ആ റഷ്യക്കാരന്‍ ആരുവാ?
നാഴികക്കല്ല്-
ഞാന്‍ ചുമടുമായി പോയപ്പോള്‍ വഴിയില്‍ കണ്ട നാഴികക്കല്ലില്‍ ഇറക്കിവച്ചു വിശ്രമിച്ചു.
അക്കരപ്പച്ച-
റെയില്‍വേ ഗേറ്റില്‍ അക്കരപ്പച്ച തെളിഞ്ഞപ്പോള്‍ എന്റെ കാര്‍ മുന്നോട്ടു കുതിച്ചു.
ചാരപ്പണി -
കഴിഞ്ഞ പത്തുവര്‍ഷമായി ഞങ്ങളുടെ തെങ്ങുകളുടെ ചാരപ്പണികള്‍ ചെയ്യുന്നത് വാസുവാണ്.
പൊട്ടിച്ചിരിക്കുന്നു-
അച്ഛൻ അതിഥികള്‍ക്കായി വീട്ടിൽ സൂക്ഷിച്ചിരുന്ന മിക്ചര്‍പായ്ക്കറ്റ് ഞാനറിയാതെ ചേച്ചി പൊട്ടിച്ചിരിക്കുന്നു.
കിംവദന്തി-
കവലയില്‍വച്ച് നാലഞ്ചുപേര്‍ ഒരു കിംവദന്തിയെ തല്ലിക്കൊന്നു മരത്തില്‍ കെട്ടിത്തൂക്കി.
അഴിമതി -
വീടുപണിയുമ്പോൾ സിറ്റൗട്ടിൽ ജനലിനു പകരം അഴിമതി എന്ന് അമ്മ പറഞ്ഞു.
സദാചാരം-
വീട്ടിലെ അടുപ്പിൽ നിന്നും അമ്മ സദാചാരം വാരുന്നത് ഞാന്‍ കാണാറുണ്ട്.
മഹാനായ-
അടുത്ത വീട്ടിലെ ജിമ്മിപ്പട്ടി ആറ്റില്‍ വീണ ബാഗ് കടിച്ചുനീന്തി തിരികെ എത്തിച്ചപ്പോള്‍മുതല്‍ മഹാനായ എന്നറിയപ്പെട്ടു.
വട്ടം കറക്കുക-
സ്കൂളിലെ മാവിനു ചുറ്റും ശശി എന്നെ വട്ടം കറക്കുക പതിവാണ്.
ജീവിക്കുക-
ജീ വിക്കുകയാണെങ്കില്‍ അല്പം വെള്ളം കുടിക്കട്ടെ.
ഊട്ടിയുറപ്പിക്കുക-
ടൂര്‍ പോകാന്‍ മൈസൂര്‍ വേണോ ഊട്ടി വേണോ എന്നു കുഴങ്ങിയപ്പോള്‍ ടീച്ചര്‍ ഊട്ടിയുറപ്പിച്ചു.
മോടി കൂട്ടുക-
ഡീസലിന്റെ വില മോടി കൂട്ടുക പതിവാണ്.
ആരോപണം-
ആരോപണം മോഷ്ടിച്ചതിനാല്‍ ഞാന്‍ സാധനങ്ങള്‍ വാങ്ങാതെ തിരികെ വീട്ടിലേക്കു നടന്നു.
നാടുനീങ്ങുക-
പണ്ടുകാലത്ത്, പട്ടിണി കാരണം ആളുകള്‍ മലബാറിലേക്ക് നാടുനീങ്ങുക പതിവായിരുന്നു.
തീ തിന്നുക-
അഗ്നിപര്‍വതം പൊട്ടി പ്രദേശങ്ങളെല്ലാം തീ തിന്നുന്നത് സാധാരണമാണ്.
തീപ്പെട്ടു -
കാട്ടു തീയില്‍പ്പെട്ടു മൃഗങ്ങളും വനങ്ങളും നശിച്ചു.
This is from my Malayalam digital books-329 about happy school students comedy sentence making during examination. question papers and answer sheet jokes.
Comments