Posts

Showing posts from 2024

(892) ഇഡ സ്കഡർ

  സാധാരണയായി ചികിൽസയുമായി ബന്ധപ്പെട്ട് എല്ലാവരും കേൾക്കാൻ ഇടയുള്ള ഒരു പ്രയോഗം - "വെല്ലൂർക്ക് കൊണ്ടുപോയിട്ടും രക്ഷപ്പെട്ടില്ല" അതായത്, ആധുനിക വൈദ്യശാസ്ത്രത്തിന്റെ പരമാവധി ചെയ്തു എന്നർഥം. ഇങ്ങനെ, മികവിന്റെ സ്ഥാപനമായ ക്രിസ്ത്യൻ മെഡിക്കൽ കോളേജ് വെല്ലൂർ എന്ന സ്ഥാപനം ഉണ്ടായത് എങ്ങനെയെന്ന് അറിയുക... അമേരിക്കൻ മിഷനറി പ്രവർത്തകനും ഡോക്ടറുമായ ജോൺ സ്കഡറുടെ പുത്രി ഇഡാ സ്കഡർ (Ida Sophia Scudder) 1870 കാലത്ത് തമിഴ്നാട്ടിലെ ദിണ്ടിവനം എന്ന ഗ്രാമത്തിലാണ് ജനിച്ചത്. സ്കൂൾ വിദ്യാഭ്യാസത്തിനായി അമേരിക്കയിലേക്കു പോയെങ്കിലും പിതാവിനെ സഹായിക്കാനായി ഇരുപതാമത്തെ വയസിൽ ഇന്ത്യയിൽ തിരിച്ചെത്തി. ഗ്രാമീണ മേഖലകളിൽ അക്കാലത്ത് സ്ത്രീകളുടെ ശരാശരി ആയുസ് ഇരുപത്തിനാല് വയസ്സായിരുന്നു! കാരണം, പുരുഷന്മാരായ ഡോക്ടർമാർ സ്ത്രീകളെ ചികിൽസിക്കാൻ പാടില്ല എന്ന ദുരാചാരവും അന്ധവിശ്വാസവും ഒക്കെ അക്കാലത്ത് ഉണ്ടായിരുന്നു. വൈദ്യശാസ്ത്രപഠനം നടത്തിയ സ്ത്രീകൾ അക്കാലത്ത് ഉണ്ടായിരുന്നുമില്ല. പ്രസവത്തോടെ സ്ത്രീകൾ മരണപ്പെടുന്ന  ദുരവസ്ഥയായിരുന്നു ഇന്ത്യയിലെ ഗ്രാമങ്ങളിൽ ഉണ്ടായിരുന്നത്. 1894 കാലത്ത്, ഒരു പാതിരാത്രിയിൽ ഇഡയും പിതാവും താമസിക്കു

(891) നിന്ദയുടെ സമ്മാനം

  വിജയനഗരത്തിലെ കൃഷ്ണ ദേവരായരുടെ കൊട്ടാരത്തിൽ അനേകം കുതിരകൾ ഉണ്ടായിരുന്നു. അതിൽ, രാജാവിന് ഏറ്റവും ഇഷ്ടമുള്ള ഒരു കുതിരയുമുണ്ട്. ഈ കുതിരയുടെ കഴിവും ബുദ്ധിസാമർഥ്യവും വിവരിക്കാൻ രാജാവിന് നൂറു നാവായിരുന്നു. ഇതു കേട്ട് തെനാലി രാമന് അമർഷം വന്നു. അവൻ പറഞ്ഞു - "രാജാവേ, ഇതിലും കഴിവുള്ള കുതിരയെ അങ്ങ് ഇതുവരെ കണ്ടിട്ടില്ല. അതുകൊണ്ടാണ് ഇങ്ങനെ പറയുന്നത്" അന്നേരം, രാജാവ് പറഞ്ഞു - "എങ്കിൽ അങ്ങനെ ഒരു കുതിരയെ കൊണ്ടുവരാൻ താങ്കൾക്കു പറ്റുമോ?" തെനാലി ആ വെല്ലുവിളി സ്വീകരിച്ചു. അടുത്ത ദിവസം, രോഗം ബാധിച്ച് എല്ലും തോലുമായി ചാകാറായ ഒരു കുതിരയെ രാജാവിന്റെ മുന്നിലേക്ക് തെനാലി കൊണ്ടുവന്നു. രാജാവ് ദേഷ്യത്തോടെ അവനോടു പറഞ്ഞു - " ഈ കുതിരയ്ക്കാണോ എന്റെ കുതിരയേക്കാൾ കഴിവുണ്ടെന്നു പറഞ്ഞത് ?" തെനാലി: "അതേ പ്രഭോ. അങ്ങ് എന്റെ കൂടെ അടുത്തുള്ള നദിയുടെ ഭാഗത്തേക്ക് വന്നാലും" രാജാവും തെനാലിയും മെലിഞ്ഞ കുതിരയും ഒരു പാലത്തിന്റെ മുകളിലെത്തി. എന്നിട്ട് നല്ല ആഴമുള്ള നദിയിലേക്ക് തെനാലി ആ കുതിരയെ തള്ളിയിട്ടു! കുതിര രക്ഷപെടാൻ പോലും നോക്കാതെ ജീവൻ വെടിഞ്ഞു. അന്നേരം, രാജാവിനു വീണ്ടും ദേഷ്യം വന്നു - &q

(890) ഓട്ടക്കുടം

  സിൽബാരിപുരംദേശം വരൾച്ച ബാധിച്ച സമയം. ഒരു സ്ത്രീ ദൂരെയുള്ള കിണറ്റിൽ നിന്നും വെള്ളം കോരി രണ്ടു കുടങ്ങളിൽ നിറയ്ക്കും. എന്നിട്ട്, വിലങ്ങനെ ഒരു അലകുള്ള കമ്പിന്റെ രണ്ടറ്റത്തുമായി കുടം കെട്ടിയിടും. പിന്നെ, കമ്പ് തോളിൽ വിലങ്ങനെ എടുത്തു വച്ച് നടക്കും. വീട്ടിൽ എത്തുമ്പോൾ ഒരു കുടത്തിൽ മുക്കാൽ ഭാഗത്തോളം വെള്ളമേ കാണാറുള്ളൂ. കാരണം, വലതു വശത്തു സ്ഥിരമായി തൂക്കിയിരുന്ന കുടത്തിന് ചെറിയ ചോർച്ചയുണ്ടായിരുന്നു. എന്നാൽ, ആ വീട്ടുകാരി അതു കാര്യമാക്കിയില്ല. പക്ഷേ, കുടത്തിന് വലിയ വിഷമമായി. അത് പറഞ്ഞു - "അമ്മച്ചീ, ഇത്രയും ദൂരം എന്നെയും തൂക്കി വന്നിട്ട് കാൽ ഭാഗത്തോളം വെള്ളം, ചെറിയ ദ്വാരത്തിലൂടെ വഴിയിൽ നഷ്ടപ്പെടും. ഒന്നെങ്കിൽ, എന്റെ ചോർച്ച തടയുക. അല്ലെങ്കിൽ എന്നെ ഉപേക്ഷിച്ച് പുതിയ കുടം വാങ്ങാമല്ലോ" ഉടൻ, ആ സ്ത്രീ പറഞ്ഞു - "നിന്റെ ചോർച്ച കുറെ മാസങ്ങൾക്കു മുൻപ് ഞാൻ അറിഞ്ഞതാണ്. എനിക്ക് കുറച്ചു ചുണ്ണാമ്പ് വച്ച് അത് അടയ്ക്കാം. പക്ഷേ, ചോർച്ചയുടെ പ്രയോജനം ഓർത്തപ്പോൾ വേണ്ടെന്നു വച്ചു" പക്ഷേ, പ്രയോജനം എന്താണെന്ന് കുടത്തിനു മനസ്സിലായില്ല. അടുത്ത ദിനം രാവിലെ കിണറ്റു കരയിലേക്കു നടന്നപ്പോൾ വലതു കുടം വെള്ളവ

(889) കള്ളൻ ആരാണ്?

  സിറ്റിയിലെ ഒരു ന്യൂ ജനറേഷൻ ബാങ്ക്.  അവിടെ ഒരു അപരിചിതൻ ബ്രീഫ് കേസും കോട്ടുമിട്ട് ബാങ്കിൽ കയറി. അവിടെ നിന്നും പണവുമായി പോകുന്നവരെ അയാൾ ശ്രദ്ധിക്കുന്നുണ്ടായിരുന്നു. കൂടുതൽ പണവും കുറഞ്ഞ ആരോഗ്യവുമുള്ള ആളിനെ ഒടുവിൽ കണ്ടെത്തി. അയാൾ പുറത്തിറങ്ങിയ പിറകിലായി അപരിചിതൻ ഇറങ്ങി. ബാങ്കിന്റെ പിറകിലൂടെയുള്ള ചെറിയ വഴിയിലൂടെ പണവുമായ നടന്ന ആളിനെ അയാൾ ഉന്തി വീഴിച്ചു.  പക്ഷേ, വേറെ ആളുകൾ നടന്നു വന്നതിനാൽ അപരിചിതൻ മുന്നോട്ട് നടക്കാൻ ശ്രമിച്ചു. ഉടൻ, പോലീസ് വന്നു. സംശയം തോന്നിയ പോലീസ് ഓഫീസർക്ക് മോഷണശ്രമം ആയിരുന്നുവെന്ന് മനസ്സിലായി. വീണ ആളിനെ ബോധം പോയതിനാൽ ആശുപത്രിയിൽ കൊണ്ടുപോയി. എന്നാൽ, പോലീസ് ഓഫീസർ അവിടെ കണ്ട നാലു പേരെ ചോദ്യം ചെയ്തു. അന്നേരം അപരിചിതൻ പറഞ്ഞു - "ഞാൻ അരമണിക്കൂറായി ഈ ബസ് വെയിറ്റിങ്ങ് ഷെഡിൽ നിൽക്കുകയായിരുന്നു" ഉടൻ, പോലീസ് ഓഫീസർ അവന്റെ കോട്ടിൽ തൊട്ടു. എന്നിട്ട് അവനെ അറസ്റ്റ് ചെയ്തു. ചോദ്യം: എന്താണ് തെളിവ് കിട്ടിയത്? ഉത്തരം: കോട്ടിൽ നല്ല തണുപ്പായിരുന്നു. കാരണം, അവൻ അല്പം മുൻപു വരെ എസിയിൽ ഇരിക്കുകയായിരുന്നു. അര മണിക്കൂർ വെയിറ്റിങ്ങ് ഷെഡിൽ എന്നു കള്ളം പറഞ്ഞതാണ്. Written by Binoy Thomas, Ma

(888) രാജകുമാരിയും പ്രേതവും!

  ഒരിക്കൽ, രാജകുമാരിയും തോഴിമാരും കാട്ടിലെ കുളത്തിൽ കുളിക്കാനായി പോയി. അതിനിടയിൽ, ഒരു കാട്ടാന വന്നപ്പോൾ രാജകുമാരി തല കറങ്ങി വീണു. മറ്റുള്ളവർ ഓടി. അവൾക്കു ബോധം വന്നപ്പോൾ രാത്രിയായിരുന്നു. ഒരു ഗുഹയിൽ കയറി ഒളിച്ചു. ഗുഹയിലെ പ്രേതം അവളിൽ പ്രവേശിച്ചു. അവൾ ആ രാത്രിയിൽ കൊട്ടാരത്തിലെത്തി. അവളിലെ പ്രേതത്തെ ഒഴിപ്പിക്കാൻ മഹാ മാന്ത്രികൻ വന്നു. മാന്ത്രികൻ പ്രേതത്തോട് ഒഴിഞ്ഞു പോകാൻ ആവശ്യപ്പെട്ടു. പ്രേതം ഒരു വ്യവസ്ഥ പറഞ്ഞു - " ഒരു വർഷത്തിൽ വെറും ഏഴു ദിവസം മാത്രം ഞാൻ മാറി നിൽക്കാം. മറ്റുള്ള ദിവസങ്ങളിൽ ഞാൻ ഇവിടെ കാണും. ദിവസങ്ങൾ താങ്കൾക്കു നിശ്ചയിക്കാം" ബുദ്ധിമാനായ മാന്ത്രികൻ 7 ദിവസങ്ങൾ തെരെഞ്ഞെടുത്തു. അന്നേരം, പ്രേതം എന്നന്നേയ്ക്കുമായി കൊട്ടാരം വിട്ടു പോയി. ചോദ്യം:  മാന്ത്രികൻ എന്തു സൂത്രമാണ് പ്രയോഗിച്ചത്? ഇത്തരം:  മാന്ത്രികന്റെ 7 ദിവസങ്ങൾ - തിങ്കൾ, ചൊവ്വാ, ബുധൻ, വ്യാഴം, വെള്ളി, ശനി, ഞായർ എന്നിവ ആയിരുന്നു. ഒരു വർഷത്തിലെ എല്ലാ ദിവസങ്ങളും ഇതിൽ ഉൾപ്പെടും. Written by Binoy Thomas, Malayalam eBooks-888-Brain teasers - 52, PDF- https://drive.google.com/file/d/1wtQsS5GNyGoVPXOdBw3Ob9m6H3Ry9alU/view?u

(887) സ്വർണ്ണക്കിഴി നഷ്ടമായത് എങ്ങനെ?

  ഒരു ആഭരണ വ്യാപാരി ചന്തയിലൂടെ നടന്നപ്പോൾ 1000 സ്വർണ്ണനാണയങ്ങൾ അടങ്ങിയ കിഴി നഷ്ടപ്പെട്ടു. ഉടൻ, അയാൾ വിളിച്ചു കൂവി - "എന്റെ കിഴി കണ്ടുപിടിച്ചു തരുന്ന ആളിന് ഞാൻ 100 സ്വർണ്ണ നാണയം സമ്മാനമായി നൽകും" കുറെ കഴിഞ്ഞപ്പോൾ രാമുവിന് ചന്തയിലെ സാധനങ്ങൾക്ക് ഇടയിൽ നിന്നും കിഴി കിട്ടി. രാമു വ്യാപാരിക്കു കൊടുത്തു. സമ്മാനം ആവശ്യപ്പെട്ടു. അന്നേരം, അത്യാഗ്രഹിയായ കച്ചവടക്കാരൻ 100 നാണയങ്ങൾ രാമുവിനു കൊടുക്കാൻ മടിച്ചു. അയാൾ പറഞ്ഞു - "ഈ കിഴിയിൽ ഒരു വലിയ വജ്രം ഉണ്ടായിരുന്നു. അതെനിക്ക് കിട്ടാത്തതിനാൽ നിനക്കു സമ്മാനം തരില്ല" അവിടെ തർക്കം കൂടിയപ്പോൾ ആളുകൾ രാജാവിന്റെ അടുക്കൽ എത്തിച്ചു. രാമു സത്യസന്ധനാണെന്ന് രാജാവ് മനസ്സിലാക്കി.  അത്യാഗ്രഹിക്ക് കിഴി കൊടുക്കാതെ എങ്ങനെ പറഞ്ഞു വിടാമെന്ന് രാജാവ് ആലോചിച്ചു.  ഒടുവിൽ, രാമുവിന് കിഴി കിട്ടി. കച്ചവടക്കാരന് ഒന്നും കിട്ടാതെ അവിടെ നിന്നും പോയി. ചോദ്യം: രാജാവ് എന്തു ബുദ്ധിയാണ് പ്രയോഗിച്ചത്? ഉത്തരം: രാജാവ് കച്ചവടക്കാരനോടു ചോദിച്ചു - "നിന്റെ കിഴിയിൽ എന്തൊക്കെയായിരുന്നു?" കച്ചവടക്കാരൻ: "1000 സ്വർണ്ണ നാണയവും ഒരു വജ്രവും" രാജാവ് പറഞ്ഞു - "ഇത

(886) രാജാവിന്റെ പശ്ചാത്താപം

  തെനാലിരാമൻ കള്ള സന്യാസിയെ ഭ്രാന്തൻ മുഖേന കൊലപ്പെടുത്തിയതിൽ രാജാവായ കൃഷ്ണ ദേവരായർ യഥാർഥ സത്യം അറിയാൻ വൈകി. അയാൾ, അനേകം പേരുടെ വിഷബാധയേറ്റുള്ള മരണത്തിനും ഭ്രാന്തിനും കാരണമായ ക്രൂരനാണെന്ന് രാജാവ് അറിഞ്ഞപ്പോൾ തെനാലിയെ വധശിക്ഷയ്ക്കു വിധിച്ചതിൽ അദ്ദേഹം വല്ലാതെ വിഷമിച്ചു. തെനാലി ചെയ്തത് ഒരു സൽപ്രവൃത്തിയെന്ന് രാജാവ് വിശ്വസിച്ചു. ഇതിനിടയിൽ, തെനാലിയുടെ ബുദ്ധിശക്തി കൊണ്ട് ദുഷ്ടനായ കൂനൻ ആനയുടെ ചവിട്ടേറ്റ് മരിച്ച വിവരം രാജാവ് അറിഞ്ഞു. അടുത്ത ദിവസം, കൂനന്റെ ഭാര്യ വെളുത്തേടത്തി രാജാവിനു മുന്നിൽ നിലവിളിച്ചെത്തി. അവൾക്കു നന്നായി ജീവിക്കാൻ പറ്റുന്ന അടുത്തൂൺ (പെൻഷൻ) കൊടുക്കാനുള്ള കാര്യങ്ങൾ രാജാവ് ചെയ്തു. കുറെ കാലം കഴിഞ്ഞപ്പോൾ വെളുത്തേടത്തി നല്ലൊരു മനുഷ്യനെ വിവാഹം ചെയ്ത് വിജയനഗരം വിടുകയും ചെയ്തു. തെനാലിയുടെ ബുദ്ധിശക്തിയിൽ രാജാവ് വീണ്ടും സംപ്രീതനായി. തെനാലി കൊട്ടാരത്തിൽ വിദൂഷകനായി പിന്നെയും നിയമിതനായി. Written by Binoy Thomas, Malayalam eBooks-886-Tenali stories - 14, PDF - https://drive.google.com/file/d/1oqA9Wm9zBMX9i2Qg91IelusHxaK0V0pR/view?usp=drivesdk

(885) തെനാലിയും കൂനനും

  കള്ള സന്യാസിയെ ഭ്രാന്തൻ നിലത്തടിച്ചു കൊന്നതിനു പിന്നിൽ തെനാലി ആണെന്ന് രാജ കൊട്ടാരത്തിലെ നീതിപീഠത്തിന് അറിവു കിട്ടി. ഉടൻ, തെനാലിയെ ചോദ്യം ചെയ്തു. എന്നാൽ, തെനാലി അതു സമ്മതിച്ചു കൊണ്ട് ഇപ്രകാരം പറഞ്ഞു - "ആ കള്ള സന്യാസിയുടെ നീതിപീഠത്തിലുള്ള സ്വാധീനം മൂലം അയാൾക്കു മതിയായ ശിക്ഷ കിട്ടിയില്ല. അതിനാൽ അവന്റെ ചതിയിൽ പെട്ട് ഇനിയും ആളുകൾ മരിക്കുകയും ഭ്രാന്തരാവുകയും ചെയ്യും. അതിനു ഞാൻ കണ്ടെത്തിയ വഴിയാണ് ദുരിതം നേരിട്ട ആളിനെ കൊണ്ടു തന്നെ പ്രതികാരം ചെയ്യിച്ചത് " കുപിതരായ നീതിപീഠം തെനാലിക്ക് വധശിക്ഷ വിധിച്ചു. ഇത്തവണ മണ്ണിൽ തെനാലിയെ കുഴിച്ചിട്ട് തല മാത്രം വെളിയിൽ കാണിച്ച് ആനയെ കൊണ്ട് തല ചവിട്ടി കൊല്ലുക എന്നായിരുന്നു തീരുമാനം. തെനാലിയെ അവർ കുഴിച്ചിട്ടു. എന്നിട്ട് ആനയെ കൊണ്ടുവരാൻ പോയി. ആ സമയത്ത്, അയൽ ദേശത്തെ ഒരു കൂനൻ ആ വഴി വന്നു. അയാളെ തെനാലിക്ക് അറിയാമായിരുന്നു. മഹാ ദുഷ്ടനായിരുന്നു. മാത്രമല്ല, എല്ലാ സമയത്തും മദ്യപിക്കുന്ന അവസ്ഥയും. അന്നേരം, തെനാലിക്ക് ഒരു ബുദ്ധി തോന്നി. അദ്ദേഹം പറഞ്ഞു - "കൂന് മാറാനായി ഞാൻ ഈ മണ്ണിൽ കുഴി കുത്തി കിടന്നതാണ്. ഈ മണ്ണിന് മരുന്നിന്റെ ഗുണം കിട്ടും" അപ്പോൾ, ക

(884) തെനാലിയും കള്ളസന്യാസിയും

  തെനാലിരാമൻ കൊട്ടാര വിദൂഷകനായി ജോലി ചെയ്യുന്ന സമയം. അക്കാലത്ത്, വിജയനഗരത്തിൽ ദുരൂഹ സാഹചര്യത്തിൽ ചിലർ മരിക്കുന്നുണ്ടായിരുന്നു. മറ്റു ചിലർ ഭ്രാന്തന്മാരായി തെരുവുകളിൽ അലയുന്നുണ്ടായിരുന്നു. തെനാലിക്ക് എന്തോ സംശയം തോന്നിയതിനാൽ അയാൾ വളരെ ശ്രദ്ധയോടെ നിരീക്ഷിച്ചപ്പോൾ അതൊരു കള്ള സന്യാസിയാണ് ചെയ്യുന്നത് എന്നു മനസ്സിലായി. ഏതെങ്കിലും ആളുകൾ ഈ സന്യാസിയെ സമീപിച്ച് ശത്രുവിനെ സംഹരിക്കാൻ പണം കൊടുക്കും. ആരും അറിയാതെ ശത്രുവുമായി സന്യാസി ചങ്ങാത്തം കൂടി വിരുന്ന് കൊടുക്കുമ്പോൾ അതിൽ കൊടുംവിഷം കൊടുക്കും. ഒന്നുകിൽ മരിച്ചു പോകും അല്ലെങ്കിൽ മനോരോഗികളായി അലഞ്ഞുതിരിയും. തെനാലി രാമൻ കുറെ നാളുകൾ കാത്തിരുന്ന ദിവസം വന്നു ചേർന്നു. അക്രമാസക്തനായ ഒരു ഭ്രാന്തൻ വഴിയെ നടന്നു വരുന്നത് തെനാലി കണ്ടു. അവനെയും കള്ള സന്യാസി ഭ്രാന്തനാക്കിയതാണ്. സർവ്വ ധൈര്യവും സംഭരിച്ച് തെനാലി ഭ്രാന്തന്റെ കൈ പിടിച്ച് കള്ള സന്യാസിയുടെ മുഖാമുഖം നിർത്തി. പരസ്പരം കൈ കോർക്കാൻ പാകത്തിനു നിർത്തി. അന്നേരം, ഭ്രാന്തന് കള്ള സന്യാസിയെ ഓർമ്മ വന്നു. അവനെ ചതിച്ചവനെ നേരിൽ കണ്ടപ്പോൾ സന്യാസിയുടെ കൈ തിരിച്ച് നിലത്തടിച്ചു! കള്ള സന്യാസിയുടെ കഥയും അതോടെ കഴിഞ്ഞു. Written

(883) തെനാലിയുടെ ശിക്ഷ

  പ്രശസ്തമായ കൃഷ്ണ ദേവരായരുടെ കൊട്ടാരവും സമ്പത്തും കണ്ടിട്ട് പുറത്തുള്ള ശത്രുരാജ്യങ്ങളിൽ നിന്ന് ചാരന്മാർ രാജാവിനെ വധിക്കാൻ ശ്രമിച്ചു കൊണ്ടിരുന്നു. ഒരിക്കൽ, ഗോൽക്കൊണ്ടയിൽ നിന്നും ഒരു ചാരൻ വിജയനഗരത്തിലെത്തി. പക്ഷേ, ചാരൻ താമസിച്ചത് തെനാലിയുടെ വീട്ടിലായിരുന്നു. എന്നാൽ, തെനാലിയ്ക്ക് അതൊരു ചാരനാണെന്ന് മനസ്സിലായില്ല. ചാരൻ, തെനാലിയുടെ വീട്ടിലേക്ക് രാജാവിനെ ക്ഷണിച്ചു. തെനാലിയുടെ വീട് ആയതിനാൽ രാജാവ് ഒട്ടും സംശയിക്കാതെ ഏതാനും ഭടന്മാരുടെ കൂടെ ആ വീട്ടിലെത്തി. ഉടൻ, ചാരൻ രാജാവിനെ ആക്രമിക്കാൻ ചാടി വീണെങ്കിലും ഭടന്മാർ അവനെ കൊന്നു. പക്ഷേ, കൊലയാളിക്ക് അഭയം കൊടുത്തെന്ന കാരണത്താൽ തെനാലി രാമന് വധശിക്ഷ വിധിച്ചു. എന്നാൽ, ജനങ്ങൾ തെനാലിക്ക് ഒപ്പമായിരുന്നു. തെനാലിയെ രാജസദസ്സിൽ കൊണ്ടുവന്നു. ആളുകൾ തിങ്ങി നിറഞ്ഞു. രാജദ്രോഹക്കുറ്റമായതിനാൽ അതിൽ ഇളവ് ആരും പ്രതീക്ഷിക്കുന്നില്ല. എന്നാൽ, രാജാവ് അവസാനമായി തെനാലിയോടു ചോദിച്ചു - "നിങ്ങളുടെ മരണം എങ്ങനെ വേണമെന്ന് താങ്കൾക്കു നിശ്ചയിക്കാം" ഉടൻ, തെനാലി പറഞ്ഞു - "വാസ്തവത്തിൽ ആ ചാരൻ എന്നെ നെറ്റിദ്ധരിപ്പിച്ച് എന്റെ വീട്ടിൽ അതിഥിയായി താമസിച്ചതാണ്. അതിനാൽ, എന്റെ മരണം എ

(882) എണ്ണക്കച്ചവടക്കാരൻ

  ഒരു ചന്തയിലെ ഒന്നാമത്തെ കട എണ്ണക്കച്ചവടക്കാരന്റെ ആയിരുന്നു. രണ്ടാമത്തെ കട അരിക്കച്ചവടക്കാരന്റെയും. അവർ സുഹൃത്തുക്കളായിരുന്നു.  ഒരിക്കൽ, ഒന്നാമന്  ദൂരെ യാത്ര പോകേണ്ട കാര്യം വന്നു. ആ യാത്രാവഴിയിൽ കള്ളന്മാരുടെ ശല്യം ഉണ്ടായിരുന്നു. അതിനാൽ 100 സ്വർണ്ണ നാണയങ്ങൾ അടങ്ങുന്ന കിഴി അരിക്കച്ചവടക്കാരനെ സൂക്ഷിക്കാൻ ഏൽപ്പിച്ചു. തിരികെ എത്തിയപ്പോൾ ഒന്നാമൻ സ്വർണ്ണക്കിഴി തിരികെ ചോദിച്ചു. രണ്ടാമൻ അതു തള്ളി - "നീ മറ്റു വല്ലവർക്കുമാകാം കിഴി നൽകിയത്. എനിക്ക് നിന്റെ കിഴിയേക്കുറിച്ച് യാതൊന്നും അറിയില്ലാ" തർക്കം മുറുകിയപ്പോൾ ആളുകൾ പിടിച്ചു വലിച്ച് രണ്ടുപേരെയും കൊട്ടാരത്തിലെത്തിച്ചു. രാജാവിനു മുന്നിൽ പ്രശ്നം അവതരിപ്പിച്ചു. കാര്യം കേട്ടപ്പോൾ രാജാവ് രണ്ടാമന്റെ പഴക്കിഴികൾ എല്ലാം ഭടന്മാരെ നിയോഗിച്ച് അവിടെ എത്തിച്ചു. ഒരു മഞ്ഞത്തുണിയുടെ കിഴി കണ്ടപ്പോൾ അത് ഒന്നാമൻ തന്റേതാണെന്ന് പറഞ്ഞു. രാജാവ് യഥാർഥ പ്രതിയെ കണ്ടെത്തി. രാജാവ് എങ്ങനെയാണ് പ്രതിയെ കണ്ടുപിടിച്ചത് ? രാജാവ് ആ കിഴി വെള്ളത്തിൽ മുക്കി. അന്നേരം എണ്ണ വെള്ളത്തിൽ തെളിഞ്ഞു. കാരണം, ഒന്നാമന്റെ സഞ്ചിയിലും നാണയങ്ങളിലും എണ്ണ പറ്റിയിരുന്നു. Written by Binoy Thom

(881) എഴുതിയ കൂട്ടുകാരൻ

സിൽബാരിപുരം ദേശത്തിന്റെ കിഴക്കുദിക്കിലെ അതിർത്തി ഒരു പുഴയും അതിനടുത്തായി പാറക്കെട്ടുകളും നിറഞ്ഞ പ്രദേശത്തായിരുന്നു. എന്നാൽ, വിശാലമായ മണൽപ്പരപ്പും അവിടത്തെ പ്രത്യേകതയാണ്. ഒരിക്കൽ, രണ്ടു ചങ്ങാതികൾ പുഴയും പാറക്കെട്ടുകളും കാണാൻ പോയി. മണലിലൂടെ അവർ ഏതോ കാര്യം പറഞ്ഞു വന്നപ്പോൾ രണ്ടാമന് ദേഷ്യം വന്നു. അവൻ ശക്തിയായി ഒന്നാമനെ തള്ളി. മണലിൽ വീണ സമയത്ത് ഒന്നാമൻ മണലിൽ വിരൽ കൊണ്ട് എഴുതി - "എന്റെ ചങ്ങാതി എന്നെ തള്ളിയിട്ടു" അതേസമയം, മണലിൽ എന്തോ എഴുതുന്നത് രണ്ടാമൻ ശ്രദ്ധിച്ചെങ്കിലും ഒന്നും മനസ്സിലായില്ല. അവർ പിന്നെയും മുന്നോട്ടു പോയി. പക്ഷേ, ഒന്നും സംസാരിച്ചില്ല. നദിക്കരയിലെ പാറക്കെട്ടുകൾ കയറുമ്പോൾ ഒന്നാമന്റെ കാൽ വഴുതി, പെട്ടെന്ന്, രണ്ടാമൻ കയ്യിൽ കയറി പിടിച്ചു. അന്നേരം, ഒരു ചെറുകല്ലു കൊണ്ട് പാറയിൽ ശക്തിയായി ഉരച്ച് ഒന്നാമൻ എഴുതി - "എന്റെ ചങ്ങാതി എന്റെ ജീവൻ രക്ഷിച്ചു" ഉടൻ, അതു വായിച്ച രണ്ടാമൻ പറഞ്ഞു - "നീ മണലിൽ എഴുതിയത് എന്തായിരുന്നു?" ഒന്നാമൻ: "ചങ്ങാതി എന്നെ തള്ളിയിട്ടെന്നാണ്. പക്ഷേ, മണലിലെ താൽകാലിക എഴുത്താണ്. ഒരു ചെറു കാറ്റിനു പോലും മായിക്കാൻ പറ്റുന്ന ചെറിയ കാര്യം. എന്ന

(880) വെള്ളത്തിലായ മനുഷ്യൻ

  സിൽബാരിപുരം ദേശത്തെ കുറച്ചുപേർ ഒന്നിച്ചു കൂടി ഒരു തോണി വാടകയ്ക്ക് എടുത്തു. എന്നിട്ട്, ദൂരെയുള്ള ദേശത്തു പോകുകയായിരുന്നു ലക്ഷ്യം.  അവിടെയുള്ള തീർഥാടന കേന്ദ്രം വളരെ പ്രശസ്തമായിരുന്നു. അവർ നദിയിലൂടെ തുഴഞ്ഞു പോകവേ, ഒരു തടി ഒഴുകി വരുന്നത് അവരുടെ ശ്രദ്ധയിൽ പെട്ടു. അപ്പോൾ, ഒന്നാമൻ പറഞ്ഞു - "ആ തടി എത്ര വേഗത്തിലാണ് ഒഴുകുന്നത്?" രണ്ടാമൻ അതിനെ വിമർശിച്ചു - "ഏയ്, അതല്ല കാര്യം. തടി ഒഴുക്കില്ലാത്ത സ്ഥലത്താണു കിടക്കുന്നത്. നമ്മുടെ തോണിയുടെ വേഗം കൊണ്ട് വെറുതെ തോന്നുന്നതാണ് " മൂന്നാമൻ ഇടപെട്ടു - " യഥാർഥത്തിൽ നദിയുടെ വെള്ളത്തിനാണ് ഏറ്റവും വേഗമുള്ളത്. അതിനൊപ്പിച്ച് തോണി അതിൽ കിടക്കുന്നേയുള്ളൂ'' ഉടൻ, നാലാമൻ പറഞ്ഞു - "നിങ്ങൾ മൂവരും പറഞ്ഞതല്ല യഥാർഥ സത്യം. ഭൂമിയുടെ ആകർഷണത്തിന്റെ വേഗമാണ് ഇതിനെല്ലാം അടിസ്ഥാനം" അഞ്ചാമൻ : "എവിടെയെല്ലാം എന്തെല്ലാം ഉണ്ടെന്നു പറഞ്ഞിട്ടു കാര്യമില്ല, നമ്മളാണ് ഈ തോണിയുടെ വേഗവും ദിശയും തീരുമാനിക്കുന്നത് " ആറാമൻ: "യഥാർഥത്തിൽ നമ്മളല്ല, നമ്മുടെ ലക്ഷ്യസ്ഥാനമാണ് നമ്മെ അങ്ങോട്ട് ആകർഷിക്കുന്നത്. തീർഥാടന കേന്ദ്രം ഇല്ലായിരുന്നെങ്കിൽ ഈ

(879) കാട്ടിലെ മണം

  പണ്ടുപണ്ട്, സിൽബാരിപുരം കാടുപിടിച്ചു കിടക്കുകയായിരുന്നു. രണ്ടു കടുവകൾ ആ കാട്ടിലെ മൃഗങ്ങൾക്കും പുറത്തെ നാട്ടുകാർക്കും പേടിസ്വപ്നമായിരുന്നു. അവറ്റകൾ മൃഗങ്ങളെ തിന്നാനായി ഇരിക്കുന്ന സ്ഥലത്ത് രണ്ട് വലിയ മരങ്ങൾ നിൽപ്പുണ്ടായിരുന്നു. കൊന്നു തിന്ന മൃഗങ്ങളുടെ അവശിഷ്ടങ്ങൾ അവിടെ മരങ്ങൾക്കു മുന്നിലായി കൂടിക്കിടന്നു. പക്ഷേ, അത് കണ്ടമാനം ദുർഗന്ധം ഉണ്ടാക്കി. കുറച്ചു നാളുകൾ കഴിഞ്ഞപ്പോൾ ഒരു മരം അടുത്തു നിന്നവനോടു പറഞ്ഞു - "നമ്മൾ എന്തിന് ഈ ദുർഗന്ധം സഹിക്കണം? നമുക്ക് ആ കടുവകളെ പേടിപ്പിച്ച് ഓടിക്കണം" ഒരു ദിവസം രണ്ടു കടുവകളും തീറ്റി കഴിഞ്ഞ് മരച്ചുവട്ടിൽ കിടന്ന് ഉറങ്ങുകയായിരുന്നു. അന്നേരം, മാനത്ത് മഴക്കാറു കയറി കാട്ടിലെങ്ങും ഇരുൾ പരന്നു. ആ സമയത്ത് രണ്ടു മരങ്ങളും കൂടി ചില്ലകൾ കൂട്ടിയടിച്ചും ഇലകൾ പറത്തിയും ഇളകിയാടിയും ഭീകരാന്തരീക്ഷം സൃഷ്ടിച്ചു. അന്നേരം, രണ്ടു കടുവകളും ഞെട്ടിയെണീറ്റ് ദൂരെ ദിക്കിലേക്ക് ഓടി. കടുവകൾ വിചാരിച്ചത് ഏതോ മഹാദുരന്തം വരുന്നുവെന്നാണ്! അങ്ങനെ, കടുവകൾ ഈ കാടു വിട്ടു പോയ കാര്യം നാട്ടുകാർ അറിഞ്ഞു. കുറെ മരംവെട്ടുകാർ നല്ല മരം നോക്കി നടന്ന് ഈ രണ്ടു വലിയ മരങ്ങളുടെ അടുത്തെത്തി. മരങ്ങൾ രണ

(878) ആമ്പൽക്കുളം

  തുടർച്ചയായി സേനകൻമന്ത്രി ബാലനായ ബോധിസത്വന്റെ മുന്നിൽ തോറ്റുകൊണ്ടിരുന്നു. ആ ബാലനെ ബുദ്ധിയിൽ തോൽപ്പിക്കാൻ പറ്റില്ലെന്ന് അയാൾക്ക് അറിയാമായിരുന്നു. അതിനാൽ, സംഭവിക്കാൻ ഒട്ടും സാധ്യതയില്ലാത്ത കാര്യങ്ങൾ ചെയ്യാൻ പറഞ്ഞാൽ ചിലപ്പോൾ ബാലൻ തോൽവി സമ്മതിക്കുമെന്ന് മന്ത്രി കണക്കുകൂട്ടി. അയാളുടെ പുതിയ നിർദ്ദേശം ഇതായിരുന്നു - "കാട്ടിലെ അഞ്ചു തരം ആമ്പലുകൾ ഉള്ള ആമ്പൽക്കുളത്തിൽ കുളിക്കാൻ രാജാവ് ആഗ്രഹിക്കുന്നു. ഉടൻ, ആമ്പൽക്കുളത്തെ കൊട്ടാര ഉദ്യാനത്തിൽ എത്തിക്കണം" ഈ സന്ദേശം വായിച്ച ബോധിസത്വന് അസാദ്ധ്യ കാര്യമെന്ന് മനസ്സിലായി. അവൻ നാലുപേരെ വിളിച്ചിട്ട് കുറെ നിർദ്ദേശങ്ങൾ കൊടുത്തു. അവർ നാലു പേരുടെ കയ്യിൽ കയറുണ്ടായിരുന്നു. അവരെല്ലാം ആമ്പൽക്കുളത്തിലെ ചെളിയിൽ പുളച്ചു. കുറെ ആമ്പൽ വള്ളികൾ ദേഹത്ത് ചുറ്റി. എന്നിട്ട്, ചെളി പുരണ്ട് കൊട്ടാര വാതിൽക്കൽ ബഹളം ഉണ്ടാക്കി. രാജാവ് കാര്യം എന്തെന്ന് അവരോടു ചോദിച്ചു. അവർ മറുപടിയായി പറഞ്ഞു - "മന്ത്രി പറഞ്ഞതിൻ പ്രകാരം ഞങ്ങൾ ആമ്പൽക്കുളത്തെ പിടിച്ചു കെട്ടി കൊണ്ടുവരുന്ന വഴിക്ക് അവൻ ചാടിപ്പോയി" രാജാവ് കണ്ണുമിഴിച്ചു - "നിങ്ങൾ എന്തു ഭ്രാന്താണ് ഈ പറയുന്നത് ?" &q

(877) മണൽക്കയർ!

  സേനകൻമന്ത്രി തോൽവി സമ്മതിക്കാൻ തയ്യാറല്ലായിരുന്നു. പല പ്രാവശ്യം കുട്ടിയായ ബോധിസത്വനു മുന്നിൽ തോറ്റിട്ടും അയാൾ അടങ്ങിയിരുന്നില്ല. ഒരു ദിവസം അയാളുടെ കുബുദ്ധിയിൽ ഒരു ആശയം തോന്നി. അയാൾ യവമജ്ജക ഗ്രാമത്തിലേക്ക് ഒരു സന്ദേശം കൊടുത്തു വിട്ടു : "കൊട്ടാരത്തിലെ രാജാവിന്റെ ഊഞ്ഞാൽ പൊട്ടിപ്പോയിരിക്കുന്നു. അതിനാൽ, ഊഞ്ഞാലിനുള്ള മണൽക്കയർ കൊടുത്തു വിടണം" ബോധിസത്വൻ ആ സന്ദേശം കണ്ടയുടൻ ഇതു നടക്കാത്ത കാര്യമാണെന്ന് മനസ്സിലാക്കി. അവൻ, മൂന്നുപേരെ വിളിച്ച് അവർക്കു കുറച്ചു നിർദ്ദേശങ്ങൾ കൊടുത്തിട്ട് അവരെ കൊട്ടാരത്തിലേക്ക് അയച്ചു. അവർ രാജാവിനെ മുഖം കാണിച്ചു. "രാജാവേ, അങ്ങയുടെ ഊഞ്ഞാലിനുള്ള മണൽക്കയറിന് എത്ര വണ്ണം വേണം? എത്ര ഇഴകൾ വേണം? ഏതു നിറം വേണം? അതൊക്കെ മനസ്സിലാക്കാൻ മാതൃകയായി ഒരു മുഴം മണൽകയർ തന്നു വിടാമോ?" രാജാവ് അമ്പരന്നു! "മണൽക്കയറോ? ഞാൻ അങ്ങനെ ഒന്ന് കേട്ടിട്ടു പോലുമില്ല. നിങ്ങളെ ആരാണ് ഇങ്ങോട്ട് അയച്ചത് ?" അതുവരെയുള്ള കാര്യങ്ങൾ അവർ വിവരിച്ചപ്പോൾ ബോധിസത്വന്റെ ബുദ്ധിയും മന്ത്രിയുടെ കുബുദ്ധിയും രാജാവിനു പിടികിട്ടി. Written by Binoy Thomas, Malayalam eBooks-877 - Jataka tales - 113,

(876) സേനകന്റെ തന്ത്രം

  ബാലനായിരുന്ന ബോധിസത്വനെ എങ്ങനെയെങ്കിലും തോൽപ്പിക്കാൻ പലതരം അടവുകളും മന്ത്രിയായ സേനകൻ പയറ്റിക്കൊണ്ടിരുന്നു. പക്ഷേ, എല്ലാം ദയനീയമായി പരാജയപ്പെട്ടു. എങ്കിലും അയാൾ പിന്മാറിയില്ല. ഒരു ദിവസം, അയാൾ മറ്റൊരു തന്ത്രം പ്രയോഗിച്ചു. ഒരു കുറിപ്പ് യവമജ്ജക ഗ്രാമത്തിലേക്കു കൊടുത്തു വിട്ടു. ഒരു പാത്രത്തിൽ കൊട്ടാരത്തിലേക്ക് ചോറ് കൊടുത്തു വിടണം എന്നായിരുന്നു പ്രധാന കാര്യം. അതിനൊപ്പം 8 വ്യവസ്ഥകളും എഴുതിയിരുന്നു : "അരി ഉപയോഗിക്കാൻ പാടില്ല. വെള്ളം പാടില്ല. തീയ് ഉപയോഗിക്കരുത്. കലത്തിൽ പാചകം പാടില്ല. അടുപ്പ് ഉപയോഗിക്കരുത്. വിറക് അരുത്. പാചകം ചെയ്ത ചോറ് ആണിന്റെ കയ്യിലോ പെണ്ണിന്റെ കയ്യിലോ കൊടുത്തു വിടരുത്. പെരുവഴിയിലൂടെ ചോറ് കൊണ്ടുവരാൻ പാടില്ല" ബോധിസത്വൻ ഇതു വായിച്ചിട്ട് കുറെ നേരം ആലോചിച്ചു. എന്നിട്ട്, അരിക്കു പകരം പൊടിയരിഞുറുക്ക് എടുത്തു. അടുപ്പിനു പകരം രണ്ടു തടിക്കട്ടകൾ വച്ചു. കലത്തിനു പകരം മൺചട്ടി എടുത്തു. വെള്ളത്തിനു പകരം മഞ്ഞുകട്ടി എടുത്തു. വിറകിനു പകരം കരിയില കൂട്ടി. തീ ഉണ്ടാക്കാൻ വിറക് കൂട്ടിയുരച്ചു. അരി ചോറായപ്പോൾ ആണും പെണ്ണും അല്ലാത്ത ഒരാളുടെ കയ്യിൽ കൊട്ടാരത്തിലേക്ക് കൊടുത്തു വിട്ടു. തൊണ്ടില

(875) കാളയുടെ പ്രസവം!

  പലതവണയായി സേനകൻ മന്ത്രി ബോധിസത്വൻ എന്നു പേരായ കുട്ടിയെ തോൽപ്പിക്കാൻ ശ്രമിച്ചെങ്കിലും എല്ലാം പരാജയത്തിൽ കലാശിച്ചു. എങ്കിലും അയാൾ വിടാൻ ഭാവമില്ലായിരുന്നു. ഒരിക്കലും നടക്കാത്ത കാര്യം ആ കുട്ടിക്കു മുന്നിലെത്തിക്കണം എന്ന് മന്ത്രി തീരുമാനിച്ചു. അതിനായി, ഒരു കാളയെ അമിതമായി തീറ്റി തുടർച്ചയായി കൊടുത്ത് കുടവയർ വരുത്തി. പിന്നെ, കാളക്കൊമ്പ് അറത്തു കളഞ്ഞു. എന്നിട്ട്, ഈ പശുവിന്റെ പ്രസവം എടുത്ത് പശുവിനെയും കിടാവിനെയും കൊട്ടാരത്തിൽ എത്തിക്കാനും മന്ത്രി ദൂതനോടു പറഞ്ഞു വിട്ടു. യവമജ്ജക ഗ്രാമത്തിലെ ബോധിസത്വൻ ആ കാളയെ ഒറ്റ നോട്ടത്തിൽ മനസ്സിലാക്കി. ഒരു കാളയെ പ്രസവിപ്പിക്കാൻ ആർക്കും കഴിയില്ലെന്ന് ബാലനു മനസ്സിലായി. അവൻ നന്നായി അഭിനയിക്കാൻ അറിയാവുന്ന ഒരുവനെ കൊട്ടാരത്തിലേക്കു വിട്ടു. കൊട്ടാര കവാടത്തിൽ എത്തി അവൻ നിലവിളിക്കാൻ തുടങ്ങി. ആരോടും കാര്യം പറയാൻ കൂട്ടാക്കാതെ വന്നപ്പോൾ രാജാവ് വന്നു. അന്നേരം അവൻ പറഞ്ഞു - "എന്റെ അച്ഛന് സുഖപ്രസവം നടക്കാനായി ഇവിടുന്ന് വൈദ്യന്മാരെ അയയ്ക്കണം " രാജാവ് കോപിച്ചു - "നീ എന്തു ഭ്രാന്താണു പറയുന്നത്? ആണുങ്ങൾ പ്രസവിക്കുമോ?" ഉടൻ, അവൻ പറഞ്ഞു - "എങ്കിൽ, എന്തിനാണ്

(874) രത്നത്തിലെ നൂല്

  ഒരിക്കൽ, രാജാവിന്റെ മാലയെ വിശിഷ്ടമാക്കിയിരുന്ന രത്നത്തിന്റെ നൂല് പൊട്ടിപ്പോയി. അകത്ത് നൂല് പൊട്ടി കുടുങ്ങിപ്പോയതിനാൽ വേറെ നൂല് കോർക്കാനും പറ്റിയില്ല. പ്രശസ്തമായ ആ രത്നം മാലയിൽ കെട്ടാതെ രാജാവിന് ഉറക്കം വന്നില്ല, ഒടുവിൽ, അദ്ദേഹം വിചാരിച്ചു - യവമജ്ജക ഗ്രാമത്തിലെ ബുദ്ധിമാനായ ബാലന് എന്തെങ്കിലും സൂത്രം അറിയാമായിരിക്കും. അങ്ങനെ, രത്നം ഭടന്മാരുടെ കയ്യിൽ കൊടുത്തു വിട്ടു. അവിടെ ബോധിസത്വന്റെ കയ്യിൽ കിട്ടിയപ്പോൾ അവൻ എന്തു ചെയ്യണമെന്ന് കുറച്ചുനേരം ആലോചിച്ചു. പിന്നെ, രത്നത്തിന്റെ നൂൽ കോർക്കാനുള്ള തീരെ ചെറിയ ദ്വാരത്തിലേക്ക് തേൻ ഒഴിച്ചു. രത്നത്തിന്റെ പുറഞ്ഞു പറ്റിയ തേനെല്ലാം നന്നായി തുടച്ചു കളഞ്ഞു. അതിനു ശേഷം വളരെ ചെറിയ ഉറുമ്പുകൾ വസിക്കുന്ന സങ്കേതത്തിൽ കൊണ്ടുപോയി വച്ചു. ഉറുമ്പുകൾ തേൻ നോക്കി ദ്വാരത്തിലേക്ക് നുഴഞ്ഞുകയറി. അവറ്റകൾ തേൻ പറ്റിയിരുന്ന കുടുങ്ങിയ നൂലിന്റെ അംശങ്ങളെല്ലാം കരണ്ടു തിന്നു. ഒരു ദിവസം കഴിഞ്ഞ്, രത്നം വെള്ളത്തിലിട്ട് നന്നായി ഊതി വൃത്തിയാക്കി. പിന്നീട്, അതിലൂടെ പുതിയ നൂൽ കടത്തി മാലയിൽ കോർക്കാനുള്ള രീതിയിലാക്കി. രാജാവിന്റെ പക്കൽ അതു തിരികെ കിട്ടിയപ്പോൾ അദ്ദേഹത്തിന് അതിയായ സന്തോഷമുണ്ടായി.

(873) പാമ്പുകളെ തിരിച്ചറിഞ്ഞത് എങ്ങനെ?

  ബാലനായ ബോധിസത്വനെ സേനകൻമന്ത്രി പല തവണ പരാജയപ്പെടുത്താൻ നോക്കിയെങ്കിലും എല്ലാം പരാജയപ്പെടുകയാണ് ഉണ്ടായത്. എങ്കിലും, അയാൾ അടങ്ങിയിരുന്നില്ല. ഇത്തവണ യവമജ്ജക ഗ്രാമത്തിലേക്ക് ഒരു കൂടയിലാക്കിയ ആൺ പാമ്പിനെയും പെൺ പാമ്പിനെയും കൊടുത്തു വിട്ടു. അവയിൽ ആൺ-പെൺ വ്യത്യാസം തിരിച്ചറിഞ്ഞ് തിരികെ കൊടുത്തു വിടണം എന്നായിരുന്നു കൽപ്പന. അല്ലാത്ത പക്ഷം, നൂറ് വെള്ളി നാണയം പിഴയും വിധിച്ചു. തോറ്റാൽ ആ ബാലൻ നാടു വിടുമെന്നായിരുന്നു സേനകന്റെ കണക്കുകൂട്ടൽ. പക്ഷേ, ബോധിസത്വൻ പാമ്പുകളെ നോക്കി ഒരു കുറിമാനം കൊടുത്തു വിട്ടു - "ഈ കൂടയിലെ ആൺ പാമ്പിന്റെ വാലറ്റം തടിച്ച് ഉരുണ്ടതാണ്. പെൺ വാൽ കൂർത്ത് നീണ്ടതും " സേനകൻ വീണ്ടും പരാജയം നേരിട്ടു. Written by Binoy Thomas, Malayalam eBooks-873 - Jataka tales - 109, PDF - https://drive.google.com/file/d/1YKBzo8-ja06BxsTfU5UdYATv0b6trowd/view?usp=drivesdk

(872) സേനകന്റെ പരീക്ഷണം!

  ബോധിസത്വൻ 545 ജന്മങ്ങളിലൂടെ കടന്നുപോയ സമയം. 546 ജന്മത്തിൽ ശ്രീബുദ്ധനായി തീർന്നു. വാസ്തവത്തിൽ 545 ലെ ജന്മകാലം വിവിധ പരീക്ഷണങ്ങളിലൂടെ കടന്നു പോയെന്ന് പറയാം. യവമജ്ജക ഗ്രാമത്തിലെ ബുദ്ധിമാനായ കുട്ടിയായി ബോധിസത്വൻ പ്രശസ്തി പിടിച്ചു പറ്റിയിരുന്നു. പക്ഷേ, മന്ത്രിയായ സേനകൻ അത് രാജാവിന്റെ മുന്നിൽ മൂടി വയ്ക്കാൻ ശ്രമിക്കുകയാണു ചെയ്തത്. മാത്രമല്ല, പലതരം പരീക്ഷണങ്ങൾ വഴിയായി ആ ബാലനെ തോൽപിക്കാൻ ശ്രമിക്കുകയും ചെയ്തു. അതിലെ ഒരു കഥ - സേനകൻമന്ത്രി, മരണമടഞ്ഞ ഒരു സ്ത്രീയുടെയും പുരുഷന്റെയും തലയോടുകൾ ശ്മശാനത്തിൽ നിന്നും എടുത്തു. അത് ഒരു ദൂതൻ വഴി ബോധിസത്വന് കൊടുത്തു വിട്ടു. അതിനൊപ്പം ഒരു കുറിമാനമുണ്ടായിരുന്നു - "നീ ഒരു ബുദ്ധിശാലിയെങ്കിൽ ഈ രണ്ടു തലയോടുകളിൽ സ്ത്രീയുടെയും പുരുഷന്റെയും ഏതെന്ന് അടയാളമിട്ട് തിരികെ കൊടുത്തു വിടുക' ദൂതൻ അതുമായി ബാലന്റെ പക്കലെത്തി. അവൻ രണ്ടും പരിശോധിച്ചതിനു ശേഷം പറഞ്ഞു - "ഇതിൽ ആണിന്റ തലയോട്ടി ചേരുന്ന ഭാഗം നേരെയാണ്. പെണ്ണിന്റെ തലയോട്ടിയിൽ ആ ഭാഗം വളഞ്ഞിരിക്കും" ശരിയായി അടയാളമിട്ട് സേനകന്റെ പക്കൽ തലയോടുകൾ മടങ്ങിയെത്തി. അയാൾ വീണ്ടും പരാജയം രുചിച്ചു. Written by Binoy Th

(871) കാതലുള്ള വടി

 ബോധിസത്വൻ 545 ജന്മത്തിലൂടെ കടന്നുപോയ കാലത്തെ കഥ. 546 - ൽ ശ്രീബുദ്ധനായി അവതരിച്ചു. യവമജ്ജക ഗ്രാമത്തിലെ കുട്ടി (ബോധിസത്വൻ) ബുദ്ധിമാൻ എന്ന പേരു സമ്പാദിച്ച വിവരം രാജാവ് അറിഞ്ഞപ്പോൾ അവനെ കാണാൻ ആഗ്രഹിച്ചു. എന്നാൽ, സേനകൻ മന്ത്രി അത് തടഞ്ഞു കൊണ്ടിരുന്നു. ഒരിക്കൽ, സേനകൻ കുട്ടിയെ തോൽപിക്കാൻ ഒരു ബുദ്ധി പ്രയോഗിച്ചു. കാതലുള്ള തടി ചുവടെ വെട്ടി വണ്ണം കുറച്ച്  അതിന്റെ തലയും വാലും അറിയാത്ത രീതിയിൽ ചീകി മിനുക്കി. അത് കുട്ടിയെ ദൂതന്മാർ വഴി ഏൽപ്പിച്ചു. അതിൽ ഒരു സന്ദേശമുണ്ടായിരുന്നു - " ഈ തടിയുടെ ചുവടും മുകൾ ഭാഗവും തിരിച്ചറിഞ്ഞ് തടിയിൽ അടയാളമിട്ട് തിരികെ കൊടുത്തുവിടുക" കുട്ടിയായ ബോധിസത്വൻ നോക്കിയപ്പോൾ രണ്ടു വശവും ഒരു പോലെ. അവൻ ഒരു പരന്ന തടിപ്പാത്തിയിൽ വെള്ളം നിറച്ചു. പതിയെ, തടിയിൽ കൃത്യമായി നടുക്ക് ചരടു കെട്ടി വെള്ളത്തിൽ തൊടുവിച്ചു. നേരിയ ഭാരം കൂടുതലുള്ളത് തടിയുടെ ചുവടായിരുന്നു. ആദ്യം അത് വെള്ളത്തിൽ മുങ്ങി. നേരിയ വ്യത്യാസത്തിൽ പിന്നെ മുകൾ ഭാഗവും. അതിൽ അടയാളം കുറിച്ച് കുട്ടി തിരികെ കൊടുത്തു വിട്ടു. സേനകൻ അതു കണ്ട് ഞെട്ടി! രാജാവിന് കുട്ടിയുടെ ബുദ്ധിയിൽ അഭിമാനം തോന്നി. Written by Binoy Thomas, Mala

(870) മലർപ്പൊടിക്കാരന്റെ സ്വപ്നം

  ഇത്തവണ, മികച്ച മലയാളം ശൈലീകഥകൾക്ക് ഉദാഹരണമായി ഒരു കഥയാവട്ടെ. മലർപ്പൊടിക്കാരന്റെ സ്വപ്നം എന്ന ശൈലി നിത്യ സംസാരത്തിൽ കൊണ്ടുവരുന്ന ഒന്നാണ്. തുളു ബ്രാഹ്മണരുടെ ഇടയിലാണ് ആദ്യമായി പ്രചരിച്ചത് എന്നു കരുതപ്പെടുന്നു. തുളു ദേശം എന്നറിയപ്പെടുന്നത് കർണ്ണാടകത്തിലെ ഉഡുപ്പിയാണ്. ആ ദേശത്ത്, ജീവിച്ചിരുന്ന ഒരു ബ്രാഹ്മണൻ ശ്രാദ്ധത്തിനു പോയപ്പോൾ ഒരു വലിയ കലം നിറയെ മലർപ്പൊടി കിട്ടി. അയാൾ അതുമായി തലയിൽ ചുമന്നുകൊണ്ട് വരികയായിരുന്നു. ചന്തയിൽ കൊണ്ടുപോയി മലർപ്പൊടി വിൽക്കാനായിരുന്നു അയാളുടെ ലക്ഷ്യം. പക്ഷേ, ചന്തയിലേക്കുള്ള ചെറിയ വഴിയിലൂടെ നടക്കുമ്പോൾ നടക്കാനുള്ള എളുപ്പത്തിനും മൃഗശല്യങ്ങൾ ഒഴിവാക്കാനും വേണ്ടി നല്ലൊരു വടി നിലത്തു കിടന്നത് അയാൾ കയ്യിൽ കരുതുകയും ചെയ്തു. പൊതുവേ, ദാരിദ്ര്യമായിരുന്ന അയാളുടെ ജീവിതത്തിൽ അനേകം സ്വപ്നങ്ങളുണ്ടായിരുന്നു. അങ്ങനെ, നടക്കുന്ന വേളയിൽ അയാൾ ദിവാസ്വപ്നത്തിലേക്കു കയറി പിറുപിറുത്തു- "ഞാൻ ഈ മലർപ്പൊടി ചന്തയിൽ കൊണ്ടുപോയി നല്ല വിലയ്ക്കു വിൽക്കും. എന്നിട്ട്, ഒരു ആടിനെ വാങ്ങും. അതിനെ വളർത്തി വലുതാക്കിയ ശേഷം ചന്തയിൽ വിറ്റ് ഒരു കറവയുള്ള പശുവിനെ വാങ്ങും. അതിന്റെ പാലും ചാണകവും വിറ്റ് കാശു സമ

(869) ആടിനെ പട്ടിയാക്കിയ കഥ

  നമ്മുടെ ഭാരതത്തിലെ വിവിധ സംസ്ഥാനങ്ങളിലുള്ള നാടോടിക്കഥകൾ ലോകമെങ്ങും പ്രശസ്തി പിടിച്ചു പറ്റിയിട്ടുണ്ട്. അതിൽ, ശ്രദ്ധേയമായ ഒരു പ്രയോഗമാണ് - "ആടിനെ പട്ടിയാക്കുക" എന്നുള്ള വാചകം. പലരും അറിഞ്ഞും അറിയാതെയും സംസാരത്തിൽ ഇടകലർത്തി പറയുമെങ്കിലും ഇതിന്റെ ഉറവിടം നമ്മുടെ കേരളമാണ്! അതായത്, നമ്മുടെ സ്വന്തം നാടോടിക്കഥ! എന്നാൽ, ഈ കഥ നമ്മുടെ നാട്ടിൽ നിന്നും ലോകമെങ്ങും പറന്നു പോയി പലതരം പരിണാമങ്ങൾ വന്ന സാമ്യമുള്ള കഥകൾ പിന്നീടു വരികയും ചെയ്തു. ആ കഥയിലേക്ക്... പണ്ടുപണ്ട്, ഒരു സാധുവായ ബ്രാഹ്മണന്റെ കുടുംബം. അയാളുടെ കുട്ടി ആട്ടിൻപാല് വേണമെന്നു വാശി പിടിച്ചു കരഞ്ഞു. അയൽപക്കത്തു നിന്നും മേടിച്ചു കൊടുത്തു കൊണ്ടിരുന്നു. ഒരു ദിവസം, അവർക്കു തോന്നി - ഒരാടിനെ ചന്തയിൽ നിന്നും വാങ്ങി വളർത്തി വലുതാക്കിയാൽ അതിനെ എന്നും കറന്ന് ശുദ്ധമായ പാൽ കുട്ടിക്കു കൊടുക്കാമെന്ന്. അങ്ങനെ, ബ്രാഹ്മണൻ ചന്തയിൽ നിന്നും ലക്ഷണമൊത്ത നല്ലൊരു ആടിനെ വാങ്ങി തോളിൽ വച്ചു വീട്ടിലേക്കു നടന്നു വരികയായിരുന്നു. അതേസമയം, നാലു കള്ളന്മാർ ഇതു കാണാൻ ഇടയായി. അവരുടെ കുബുദ്ധി ഉണർന്നു പ്രവർത്തിച്ചു. നാലു പേരും വേഗം പോയി ബ്രാഹ്മണൻ നടന്നു വരുന്ന വഴിയിൽ നാ

(868) വാച്ച് കിട്ടിയതെങ്ങനെ?

  ഒരു കർഷകന് വലിയൊരു നെൽപാടം ഉണ്ടായിരുന്നു. ഒരിക്കൽ, അയാളുടെ കൊയ്ത്ത് കഴിഞ്ഞ് കച്ചിയെല്ലാം വലിയൊരു മുറിയിൽ കൂട്ടിയിട്ടു. അയാളുടെ കന്നുകാലികൾക്ക് അതായിരുന്നു തീറ്റിയായി കൊടുത്തിരുന്നത്. ഒരു ദിവസം, അയാൾ കച്ചിയെടുക്കുന്ന സമയത്ത് തന്റെ പഴയ വാച്ച് ഊരി ആ മുറിയിൽ വീണു. അയാൾ കുറെ സമയത്തിനു ശേഷം വാച്ച് കണ്ടുപിടിക്കാൻ ഒരുപാടു തപ്പിയെങ്കിലും നിരാശനായി. അന്നേരം, അയലത്തുള്ള കുട്ടി അയാളോടു കാര്യം തിരക്കി. ആ കുട്ടി ബുദ്ധിമാനായിരുന്നു. അവൻ അയാളെ മുറിക്കു വെളിയിലാക്കി വാതിലടച്ചു.  അഞ്ചു മിനിറ്റ് കഴിഞ്ഞപ്പോൾ വാച്ച് തിരികെ കൊടുത്തു. ചോദ്യം:  എങ്ങനെയാണ് കുട്ടി വാച്ച് കണ്ടെത്തിയത്? ഉത്തരം: വാതിലടച്ച് അവൻ നിശബ്ദമായി കുറച്ചുനേരം അവിടെ നിന്നു. അപ്പോൾ വാച്ചിന്റെ നേർത്ത ടിക് ശബ്ദം കേൾക്കാൻ ചെവിയോർത്തു. ഒടുവിൽ, കൃത്യമായ സ്ഥലം കിട്ടി. Written by Binoy Thomas, Malayalam eBooks-868- I.Q Series - 50, PDF - https://drive.google.com/file/d/1L9UR_KjzRLVHD1W11xYmxai_0EMEK4RU/view?usp=drivesdk

(867) എങ്ങനെ രുചി പോയി?

  ഒരു രാജ കൊട്ടാരത്തിലെ ഉദ്യാനത്തിൽ അപൂർവ്വ ഇനത്തിൽ പെട്ട ഒരു മാവ് ഉണ്ടായിരുന്നു. അതിൽ ഉണ്ടാകുന്ന മാമ്പഴങ്ങൾക്ക് അതീവ രുചിയുണ്ടായിരുന്നു. രാജാവ്, തന്റെ കൊട്ടാരത്തിലെ അതിഥികൾക്ക് ഈ മാമ്പഴം പൂളി കൊടുക്കുമായിരുന്നു. പക്ഷേ, മാമ്പഴം മുഴുവനായും ഒരിക്കലും കൊടുക്കില്ല. കാരണം, മാങ്ങാണ്ടി കുഴിച്ചിട്ട് മറ്റൊരു സ്ഥലത്ത് ഇത്തരം മാമ്പഴം ഉണ്ടാകുന്നത് അദ്ദേഹത്തിന് ഇഷ്ടമല്ലായിരുന്നു. ഒരിക്കൽ, അയൽ രാജാവ് മാമ്പഴം ചോദിച്ചപ്പോൾ 10 മാമ്പഴം കൊടുത്തു വിട്ടു. പക്ഷേ, നേർത്ത സൂചി കൊണ്ട് മാങ്ങാണ്ടിയുടെ കുരുവിന്റെ അറ്റം അടർത്തിക്കളഞ്ഞു. അയൽ രാജാവ് മാങ്ങാണ്ടികൾ കുഴിച്ചിട്ടു. പക്ഷേ, മുളച്ചില്ല. കൊട്ടാരത്തിലെ ബുദ്ധിയുള്ള കർഷകൻ പറഞ്ഞു - വിത്ത് അടർത്തിയതാണു കാരണം. ഇതിനു പ്രതികാരമായി രാജാവ് കർഷകനെ കുറച്ചു തൈകളുമായി ആദ്യത്തെ രാജാവിന്റെ ഉദ്യാനത്തിലേക്കു വിട്ടു. സമ്മാനമായി തൈകൾ ഉദ്യാനത്തിൽ പലയിടത്തായി വച്ചു പിടിപ്പിച്ചിട്ട് അയാൾ പോയി. ചോദ്യം:  അടുത്ത വർഷം മാമ്പഴങ്ങൾക്ക് കയ്പായിരുന്നു. എന്തുകൊണ്ട്? ഉത്തരം -  ആര്യവേപ്പ് (Neem Plant) മാവിനു ചുറ്റും വളർന്നപ്പോൾ മാമ്പഴത്തിനു കയ്പ് വന്നു. Written by Binoy Thomas, Malayalam eBook

(866) കപട യോഗ!

  യോഗ എന്ന സവിശേഷ വിഷയവുമായി ബന്ധപ്പെട്ടു പ്രവർത്തിക്കുന്നവർ സ്വയം ചോദിക്കേണ്ടതും അറിയേണ്ടതുമായ ഒരു കാര്യമാണ്  യോഗയിലൂടെ നാം എവിടെ എത്തി നിൽക്കുന്നു എന്നുള്ളത്. 1. നാം യോഗ ഗുരുവാണോ? എങ്കിൽ ആഴത്തിലുള്ള യോഗ അറിവും ഗവേഷണവും ഉപരിപഠനവും ഒക്കെ വേണം. ആ വിഷയത്തിൽ പാണ്ഡിത്യമുണ്ടാവണം. ഇരുട്ടിനെ അകറ്റി പ്രകാശം വരുത്താനുള്ള "ഗുരു" എന്ന അർത്ഥം വരണം. 2. നാം യോഗാചാര്യനാണോ ? യോഗയെ ആചരിക്കുന്നവൻ. ഇവിടെ സത്യവും ധർമ്മവും നീതിയും ന്യായവും ആചരിക്കണം. പ്രശസ്തി, മദം പൊട്ടിയ മതം, അഹംഭാവം, താൻപോരിമ... ഇത്യാദി വന്നാൽ നടക്കില്ല. 3. യോഗാ അധ്യാപകർ യോഗയിലെ കുറച്ച് അറിവുകൾ പകർന്നു കൊടുക്കുന്നവർ, പഠിപ്പിക്കുന്നവർ. (ഈയുള്ളവൻ ഈ തരത്തിൽ ഉൾപ്പെടുന്നു). 4. യോഗ ഇൻസ്ട്രക്ടർ (യോഗ നിർദ്ദേശകൻ) ഏറ്റവും താഴെ തട്ടിലുള്ള  നിർദ്ദേശങ്ങൾ മാത്രം കൊടുക്കുന്നയാൾ. പ്രത്യേകിച്ചും ആസനങ്ങളുടെ പരിശീലനം മുഖ്യമായും. 5. യോഗ ഡെമൊൺസ്ട്രേറ്റർ - ഇവിടെ സാധാരണമായി ഏതെങ്കിലും അപകട കായിക പ്രകടനം പോലെയുള്ള യോഗാസനങ്ങൾ സ്റ്റേജിൽ നടത്തുന്നവർ. വിദ്യാഭ്യാസം കുറവുണ്ടെങ്കിൽ ഏറെ നന്ന്. കാരണം, അപകട സാധ്യത മനസ്സിലാവില്ലല്ലോ. 6. യോഗ ട്രെയിനർ - യോഗ പരിശീല

(865) തേരാളിയും കുതിരവണ്ടിയും

  ഒരിക്കൽ, ദേവന്മാരുടെ രാജാവായ ശക്രൻ, ബോധിസത്വന്റെ കീർത്തി ദേവലോകത്തും എത്തിയ നേരത്ത്, അയാളെ ഒന്നു പരീക്ഷിക്കാൻ തീരുമാനിച്ചു. ശക്രൻ ഭൂമിയിലെത്തി. അന്നേരം, ഒരു കുതിരവണ്ടിക്കാരൻ വണ്ടി പുഴയോരത്ത് നിർത്തി താഴെയിറങ്ങി. ആ സമയത്ത് ശക്രൻ മനുഷ്യ രൂപത്തിൽ അയാളുടെ അടുത്തെത്തി. ശക്രൻ ചോദിച്ചു - "ഞാൻ നിന്നെ സഹായിച്ച് നിന്റെ കൂടെ വന്നോട്ടെ?" വണ്ടിക്കാരൻ സന്തോഷത്തോടെ പറഞ്ഞു - "അതിനെന്താ, എനിക്ക് സന്തോഷമേയുള്ളൂ" അതു പറഞ്ഞിട്ട്, വണ്ടിക്കാരൻ ക്ഷീണം തീർക്കാനായി പുഴയിലിറങ്ങി കയ്യും കാലും മുഖവും കഴുകി. അന്നേരം, ശക്രൻ കുതിര വണ്ടിയിലേക്ക് ചാടിക്കയറി തേരാളിയായി മാറി. കുതിരവണ്ടിയുമായി പോയി. അതു കണ്ട്, വണ്ടിക്കാരൻ പിറകെ പാഞ്ഞു. ആ ബഹളം കേട്ട് നാട്ടുകാർ കുതിര വണ്ടി തടഞ്ഞു. അതിന്റെ ഉടമ ആരെന്നുള്ള തർക്കം മുറുകിയപ്പോൾ അവർ ബോധിസത്വന്റെ അടുക്കലേക്കു കൊണ്ടുപോയി. അദ്ദേഹം നോക്കിയപ്പോൾ ശക്രൻ കണ്ണു ചിമ്മുന്ന പ്രത്യേകത നോക്കിയപ്പോൾ അത് ദേവനാണെന്നു പിടികിട്ടി. പക്ഷേ, അറിഞ്ഞതായി ഭാവിച്ചില്ല. ബോധിസത്വൻ പറഞ്ഞു - "ഈ കുതിര വണ്ടിയുടെ തേരാളിയായി ഞാൻ ഒരാളെ ഏർപ്പെടുത്തിയിട്ടുണ്ട്. നിങ്ങൾ രണ്ടു പേരും ആ കുതിര വ

(864) കരിമുണ്ടനും പെണ്ണും!

  ബോധിസത്വനായി കഴിയുന്ന അവസാന ജന്മത്തിലെ കഥകളിൽ ഒന്നു വായിക്കൂ. ഒരു ദേശത്ത്, കറുത്ത് പൊക്കം കുറഞ്ഞ ഒരു മനുഷ്യനുണ്ടായിരുന്നു. അവനെ കരിമുണ്ടൻ എന്ന് ആളുകൾ പരിഹാസത്തോടെ വിളിച്ചു. അയാൾ വീട്ടുവേലക്കാരനായി ജോലി ചെയ്യുന്ന സമയത്ത് വിവാഹവും കഴിഞ്ഞു. ഒരു ദിവസം, കരിമുണ്ടനും ഭാര്യയും കൂടി പുഴ കടന്ന് അയൽ ദേശത്തേക്കു പോകാനായി പുഴയോരത്ത് എത്തി. നല്ല വീതിയുള്ള പുഴയുടെ ആഴമറിയാതെ അവർ പേടിച്ചു നിൽക്കുന്ന സമയം. അന്നേരം, നല്ല ഉയരമുള്ള ഒരു വൃദ്ധൻ അവരുടെ അടുത്തേക്കു വന്നു. അയാൾ പറഞ്ഞു - "ഈ പുഴയ്ക്ക് നല്ല ആഴമുണ്ട്. മാത്രമല്ല, മുതലയും ഉണ്ട്. പക്ഷേ, എനിക്ക് ഇവിടെ നല്ല പരിചയമാകയാൽ രണ്ടുപേരെയും ഞാൻ അക്കരെ എത്തിക്കാം. ആദ്യം, എന്റെ തോളിലേക്ക് ഈ സ്ത്രീ കയറിക്കോളൂ" കരിമുണ്ടൻ അതിനു സമ്മതിച്ചു. വൃദ്ധൻ സ്ത്രീയുമായി വെള്ളത്തിലൂടെ കുറച്ചു മുന്നോട്ടു പോയപ്പോൾ ഒരു സൂത്രം പ്രയോഗിച്ചു. അരയ്ക്കൊപ്പം വെള്ളം മാത്രം ഉണ്ടായിരുന്ന പുഴയിൽ അവൻ കരിമുണ്ടനെയും ഭാര്യയെയും തെറ്റിദ്ധരിപ്പിക്കാൻ വെള്ളത്തിലൂടെ കുനിഞ്ഞു നടന്നു. അന്നേരം, കഴുത്തറ്റം വെള്ളം പോലെ കാണുന്നവർക്കു തോന്നി. വൃദ്ധൻ അക്കരെ എത്തി തോളിൽ നിന്നും അവളെ ഇറക്കി. അതിന്റ

(863) അമ്മയും കുഞ്ഞും

 ബോധിസത്വൻ തന്റെ 545 -)മത്തെ ജന്മത്തിലൂടെ കടന്നു പോയപ്പോൾ കുട്ടിയായിരിക്കുന്ന സമയത്തു തന്നെ അപാരമായ കഴിവുകൾ കാട്ടിയിരുന്നു. രാജാവ് പല തവണ അവനെ കാണാൻ ആഗ്രഹിച്ചെങ്കിലും മന്ത്രിയായ സേനകൻ അതെല്ലാം തട്ടി മാറ്റിക്കൊണ്ടിരുന്നു. ഒരിക്കൽ, ആ ദേശത്ത്, കൂലിപ്പണിക്കു പോയിരുന്ന ഒരു പാവം സ്ത്രീയുണ്ടായിരുന്നു. അവർക്ക് ഒരു കൊച്ചു കുട്ടിയുമുണ്ട്. ഒരു ദിവസം, പണി ചെയ്തു കൊണ്ടിരുന്ന സമയത്ത് അങ്ങോട്ട് കള്ളിയായ സ്ത്രീ പതുങ്ങി വന്നു. അവൾ കുഞ്ഞിനെ എടുത്ത് ഓടി. എന്നാൽ, കുഞ്ഞിന്റെ കരച്ചിൽ കേട്ട് അമ്മ പിറകേ ഓടി. കള്ളിയെ പിടിച്ചെങ്കിലും അവൾ ഇതു തന്റെ സ്വന്തം കുഞ്ഞെന്ന് തർക്കിച്ചു. നാട്ടുകാർ ചേർന്ന് ബോധിസത്വന്റെ അടുക്കൽ എത്തി. അദ്ദേഹം പറഞ്ഞു - "നിങ്ങളിൽ കുഞ്ഞിന്റെ അമ്മയ്ക്ക് കുട്ടിയെ കിട്ടണമെങ്കിൽ ഒരു മാർഗ്ഗമുണ്ട്. കുഞ്ഞിനെ നടുക്ക് നിർത്തി നിങ്ങൾ ഇടത്തും വലത്തും നിൽക്കുക. ഒരാൾ ഇടതു കയ്യിലും മറ്റെ ആൾ വലതിലും പിടിച്ച് നിങ്ങൾ കുഞ്ഞിനെ വലിക്കുക. യഥാർഥ അമ്മയ്ക്ക് കുഞ്ഞിനെ വലിച്ചെടുക്കാൻ പറ്റും" ഉടൻ അവർ വലിക്കാൻ തുടങ്ങി. വലിച്ചപ്പോൾ കുഞ്ഞ് കരയാൻ തുടങ്ങി. അന്നേരം, യഥാർഥ അമ്മ പിടിവിട്ടു കൊണ്ട് പറഞ്ഞു - "എന്റ

(862) കാളയുടെ ഉടമ ആരാണ്?

  ഒരാൾ അവന്റെ കാളയെ പുല്ലുമേയാൻ വിട്ടിട്ട് മരത്തിന്റെ തണലിൽ ഉറങ്ങാൻ കിടന്നു. ആ സമയത്ത്, ഒരു കള്ളൻ ആ കാളയെ പിടിച്ചു വലിച്ചു കൊണ്ടുപോയി. എന്നാൽ, കാള അമറുന്ന ശബ്ദം കേട്ട് ഉടമ ചാടി എണീറ്റ് പിറകേ ഓടി. അയാൾ കള്ളനെ പിടികൂടി ബഹളമുണ്ടാക്കി. അനേകം ആളുകൾ അവിടെയെത്തി. അന്നേരം കള്ളൻ സ്വന്തം കാളയാണ് ഇതെന്നു പറഞ്ഞു. ഉടൻ, എല്ലാവരും കൂടി അവിടെയുള്ള ബുദ്ധിമാന്റെ വീട്ടിലെത്തി. അയാൾ രണ്ടു പേരോടും ചോദിച്ചു: "നിങ്ങളിൽ ആരാണ് കാളയ്ക്ക് ഏറ്റവും നല്ല ഭക്ഷണം കൊടുക്കുന്നത്?" തുടർന്ന് യഥാർഥ കള്ളനെ പിടികൂടി. ചോദ്യം: എങ്ങനെയാണ് കള്ളനെ തിരിച്ചറിഞ്ഞത്? ഉത്തരം:  കള്ളന് കാളയെ കിട്ടാൻ വേണ്ടി ഏറ്റവും നല്ല ഗോതമ്പുകഞ്ഞിയും കടലയും കൊടുത്തെന്ന് കള്ളം പറഞ്ഞു. യഥാർഥ ഉടമ പറഞ്ഞത് പുല്ലു മാത്രം കഴിച്ചുവെന്ന്. മരുന്നു കൊടുത്ത് കാള ഛർദ്ദിച്ചപ്പോൾ പുറത്തുവന്നത് പുല്ലായിരുന്നു. Written by Binoy Thomas, Malayalam eBooks-862-I.Q Test series-35, pdf- https://drive.google.com/file/d/1WbZLTM6ke_rtQaoWn24T3ET3CNOPFQyO/view?usp=sharing

(861) പൊലീസ് പിടിച്ചതെങ്ങനെ?

  പൊലീസ് ഓഫീസർ വിക്രത്തിന് പുതിയ സ്റ്റേഷനിലേക്ക് സ്ഥലം മാറ്റമായി. അയാൾ മുൻപ് ഒരിക്കലും പോയിട്ടില്ലാത്ത സ്ഥലമായിരുന്നു ആ പട്ടണം. ആരെയും പരിചയവുമില്ല. അവിടെ ചൂതുകളിക്കും കുറ്റകൃത്യങ്ങൾക്കും കുപ്രസിദ്ധി നേടിയ തെരുവുകൾ അനേകമുണ്ട്. വിക്രം അവിടെ എത്തിച്ചേർന്നു. ആദ്യ ദിവസം തന്നെ രാത്രിയിൽ അദ്ദേഹം ജീപ്പുമായി നൈറ്റ് പട്രോളിങ്ങിനായി ഇറങ്ങി. അന്നേരം, ഒരു ചൂതുകളി സങ്കേതത്തിൽ നിന്നും നിലവിളി കേട്ടു - "അയ്യോ! എന്റെ ആരെങ്കിലും രക്ഷിക്കണേ... രാജൻ എന്നെ കൊല്ലാൻ വരുന്നേ..." പക്ഷേ, വിക്രം ആ കെട്ടിടം കണ്ടുപിടിച്ച് ആ മുറിയിൽ ചെന്നപ്പോൾ കുറെ സമയം പോയിരുന്നു. അദ്ദേഹം കണ്ടത് ഒരാൾ മരിച്ചു കിടക്കുന്നതാണ്. അവിടെ ആകെ പത്തു പേരുണ്ടായിരുന്നു. എങ്കിലും മുറിയിൽ കയറിയ ഉടൻ തന്നെ പ്രതിയായ രാജനെ വിക്രം അറസ്റ്റ് ചെയ്തു. ചോദ്യം : ആ പത്തുപേരിൽ രാജനെ പെട്ടെന്ന് തിരിച്ചറിഞ്ഞത് എങ്ങനെ? ഉത്തരം : മറ്റുള്ള ഒൻപതു പേരും സ്ത്രീകളായിരുന്നു. Written by Binoy Thomas. Malayalam eBooks-861 - I. Q - 34, PDF - https://drive.google.com/file/d/1Xg1ywZFY1cTxgK4xrtAhHtj2i4W0GPIA/view?usp=drivesdk

(860) കണ്ണിലെ വിദ്യ?

ഒരു രാജാവിന്റെ കൊട്ടാരത്തിൽ ബുദ്ധിമാനായ പണ്ഡിതൻ ഉണ്ടായിരുന്നു. ഒരിക്കൽ, അയൽ രാജ്യത്തു നിന്നും ഒരു മജീഷ്യൻ അവിടെ എത്തിച്ചേർന്നു.മജീഷ്യൻ അഹങ്കാരിയും പൊങ്ങച്ചക്കാരനും ആയിരുന്നു. അയാൾ കൊട്ടാരത്തിലെ ജനങ്ങൾക്കു മുന്നിൽ മൽസരം പ്രഖ്യാപിച്ചു. ആർക്കെങ്കിലും മജീഷ്യനെ തോൽപ്പിക്കാൻ പറ്റുമോ എന്നു വെല്ലുവിളിച്ചു. ഉടൻ, പണ്ഡിതൻ പറഞ്ഞു - "ഞാൻ കണ്ണടച്ച് ചെയ്യുന്നത് താങ്കൾക്ക് കണ്ണു തുറന്നു ചെയ്യാമോ?" വളരെ എളുപ്പമാണെന്ന് മജീഷ്യൻ വീമ്പിളക്കി. എന്നാൽ, പണ്ഡിതൻ കണ്ണടച്ച് ചെയ്തതു കണ്ടപ്പോൾ മജീഷ്യൻ പേടിച്ച് വഴിയിലൂടെ ഓടിപ്പോയി. ചോദ്യം: പണ്ഡിതൻ എന്തായിരുന്നു ചെയ്തത്? ഉത്തരം - പണ്ഡിതൻ കുറച്ചു മുളകുപൊടിയും വെള്ളവുമായി അവിടെ വന്നു. എന്നിട്ട്, വെള്ളത്തിൽ ചാലിച്ച മുളകുപൊടി കണ്ണടച്ച് കൺപോള മേൽ പുരട്ടി. പിന്നീട് കഴുകിക്കളഞ്ഞു. മജീഷ്യന് കണ്ണു തുറന്ന് അതു ചെയ്യാൻ പറ്റില്ല. Written by Binoy Thomas, Malayalam eBooks-860-I.Q test-33, pdf- https://drive.google.com/file/d/1XDt4sD8nQNBw7MD_1k02sbG2qZu2h0wD/view?usp=sharing

(859) ഏഷണി മാറിയത് എങ്ങനെ?

രാമു വലിയ ഏഷണിക്കാരനാണ്. എന്തിലും ഏതിലും കുറ്റം മാത്രം കണ്ടുപിടിക്കുന്ന ഒരു പ്രകൃതം. ഒരിക്കൽ, അയാൾ ചന്തയിലേക്കു പോകുന്ന സമയത്ത്, ക്ഷീണിച്ചപ്പോൾ ഒരു വലിയ മാവിന്റെ കീഴിൽ ഇരുന്നു. അയാൾ നോക്കിയപ്പോൾ അതിൽ നിറയെ ചെറിയ മാങ്ങകളായിരുന്നു. എന്നാൽ, ആ പറമ്പിൽ പടർന്നു നിന്നിരുന്ന വള്ളിയിൽ വലിയ മത്തങ്ങ കിടക്കുന്നതു കണ്ടു. അന്നേരം, രാമു ഉച്ചത്തിൽ പറഞ്ഞു - "വലിയ മാവിൽ ചെറിയ മാങ്ങ. ചെറിയ വള്ളിയിൽ വലിയ മത്തങ്ങ. ഇതു കണ്ടിട്ട് ഈ മാവിനു നാണമാകുന്നില്ലേ? ഉടൻ, മാവിൽ നിന്നും പഴുത്ത ചെറിയ മാങ്ങ അയാളുടെ തലയിൽ വന്നു പതിച്ചു. അന്നേരം, യാതൊന്നും പറയാതെ അയാൾ വീട്ടിലേക്ക് തിരികെ നടന്നു. പിന്നെ ഒരിക്കലും ആരെയും കുറ്റം പറഞ്ഞിട്ടില്ല. ചോദ്യം : എന്താണ് അയാളുടെ മനം മാറ്റത്തിന് കാരണം? ഉത്തരം: മാങ്ങാ തലയിൽ വീണപ്പോൾ അയാൾ ചിന്തിച്ചു- ആ മാങ്ങയുടെ വലിപ്പം മത്തങ്ങയുടെ അത്രയും ഉണ്ടായിരുന്നെങ്കിൽ താൻ മരിച്ചു പോകുമായിരുന്നു! Written by Binoy Thomas, Malayalam eBooks-859-I.Q test-32, PDF- https://drive.google.com/file/d/1lUnRSTqos_m7Z7yzziHdk_pzygxkCagV/view?usp=sharing

(858) റിഡിലുകൾ!

  ചോദ്യം - 1. വേഗത്തിൽ ഒന്നാമൻ. പേരിൽ രണ്ടാമൻ . സ്ഥാനത്തിൽ മൂന്നാമൻ . എന്റെ പേര് നിങ്ങൾക്കു പറയാമോ ? ഉത്തരം - ക്ലോക്കിലെ സെക്കൻഡ് സൂചി ചോദ്യം -2- Rimo തീരെ പാവപ്പെട്ടവനാണ്. സ്വന്തമായി വീടില്ല. കയ്യിൽ കറൻസിയൊന്നും ഇല്ല. കുടുംബവും ഇതുവരെ ആയിട്ടില്ല. ഒരു ദിവസം വഴിയിലൂടെ നടന്നു പോകുമ്പോൾ 500 Rupees currency note വഴിയിൽ കിടക്കുന്നതു കണ്ടു. അതിന് അടുത്തായി ഒരു പൊതിയിൽ ഉണക്ക മീനും കിടപ്പുണ്ടായിരുന്നു. പക്ഷേ, അവൻ മീൻ മാത്രം എടുത്ത് മുന്നോട്ടു നടന്നു. എന്തുകൊണ്ടാണ് കറൻസി എടുക്കാതിരുന്നത് ? ഉത്തരം - Rimo ഒരു പൂച്ചയായിരുന്നു! ചോദ്യം -3 പകൽ മുഴുവൻ തമ്മിൽ അടിക്കുകയും രാത്രിയിൽ കെട്ടിപ്പിടിച്ച് ഉറങ്ങുകയും ചെയ്യുന്ന അയൽക്കാർ ആരാണ്? ഉത്തരം - കൺപീലി Written by Binoy Thomas, Malayalam eBooks-858- Riddles - 31, PDF - https://drive.google.com/file/d/1INDCXHku9Mij960O3nyQ29TWDS4-ow2X/view?usp=drivesdk

(857) എന്തിനാണ് വേർതിരിവ് ?

  ഒരു യുവാവ് ദൂരെ ദേശത്ത് പോയി ആഴത്തിലുള്ള അറിവ് സമ്പാദിച്ച് സ്വന്തം നാട്ടിൽ തിരികെ എത്തി. നീതിയും ന്യായവും വേദവും യുക്തിയും എല്ലാം അയാൾക്ക് അറിയാമായിരുന്നു. അതിനാൽ കൊട്ടാരത്തിൽ പണ്ഠിതനായി ജോലി കിട്ടി. എന്നും രാവിലെ കൊട്ടാരത്തിലേക്ക് പോകുന്ന വഴിയോരത്ത് ഒരു ജന്മിയുടെ കുളം സ്ഥിതി ചെയ്യുന്നുണ്ട്. പണ്ഡിതൻ കുളത്തിന്റെ കരയിൽ പോയി കുറെ നേരം ഇരുന്ന് പൂക്കളുടെ മണം ആസ്വദിക്കും. ഒരു ദിവസം, ഇങ്ങനെ ഇരിക്കുമ്പോൾ അപരിഷ്കൃതനായ മനുഷ്യൻ അങ്ങോട്ട് ഓടി വന്ന് കുളത്തിൽ ചാടി. അയാൾ വെള്ളത്തിൽ വിടർന്നു നിന്ന താമരയുടെ തണ്ട് വലിച്ചെടുത്ത് ചേറിൽ പൂണ്ടിരുന്ന കിഴങ്ങ് മാത്രം എടുത്ത് പോയി. പൂക്കൾ ഭൂരിഭാഗവും നശിച്ചെങ്കിലും പണ്ഡിതൻ ഒന്നും മിണ്ടിയില്ല. അന്നേരം, കുളക്കരയിൽ നിന്നിരുന്ന മരത്തിൽ നിന്ന് വനദേവതയുടെ അശരീരി മുഴങ്ങി. " ഹേയ്, താങ്കൾ പൂക്കളുടെ മണം മോഷ്ടിക്കുന്നത് ശരിയല്ല ! " അന്നേരം, അയാൾ വനദേവതയോടു ചോദിച്ചു -"ഞാൻ മണം മോഷ്ടിച്ചത് തെറ്റു തന്നെ. പക്ഷേ, പൂക്കൾ നശിപ്പിച്ച് കിഴങ്ങുമായി പോയ അയാളോട് എന്തുകൊണ്ടാണ് ദേവത ഒന്നും മിണ്ടാതിരുന്നത്?" ഈ ചോദ്യത്തിന് നിങ്ങൾക്കു നൽകാൻ പറ്റുന്ന ഉത്തരം എന്താണ്? ഇനി

(856) അവകാശി ആരാണ്?

  ഒരു ആശ്രമത്തിന് ധാരാളം സമ്പത്തുണ്ടായിരുന്നു.  ഗുരുവും 10 ശിഷ്യന്മാരും അവിടെ താമസിച്ചിരുന്നു. ഗുരുവിന് പ്രായമേറിയതിനാൽ ഏറ്റവും മികച്ച ശിഷ്യന് ആശ്രമം കൊടുക്കണമെന്ന് അദ്ദേഹം തീരുമാനിച്ചു. അതിനായി ഒരു ബുദ്ധി പരീക്ഷ നടത്താൻ ഒരുങ്ങി. 10 ശിഷ്യന്മാർക്കും ഒരു മരത്തിന്റെ വിത്ത് കൊടുത്തിട്ടു പറഞ്ഞു - "കൃത്യം ഒരു വർഷം കഴിയുമ്പോൾ ആരുടെ തൈമരമാണ് കൂടുതൽ വളർന്നത് എന്ന് ഞാൻ നോക്കും. ആ ശിഷ്യന് ഈ ആശ്രമം കൊടുക്കും " പത്തുപേരും അങ്ങനെ ചെയ്തു. ഒരു വർഷം കഴിഞ്ഞു. ഗുരു ആദ്യത്തെ ഒൻപതു പേരുടേയും തൈമരം പല വലിപ്പത്തിൽ വളർന്നതായി കണ്ടു. ചോദ്യം : പത്താമന്റെ കുരു ഒട്ടും കിളിർത്തില്ല. ഗുരു സന്തോഷത്തോടെ പത്താമന് ആശ്രമം കൊടുത്തു. എന്തുകൊണ്ട്? ഉത്തരം - എല്ലാ കുരുവും കിളിർക്കാത്ത രീതിയിൽ വേവിച്ചിട്ടാണ് ഗുരു കൊടുത്തത്.  ആദ്യത്തെ ഒൻപതു പേരും വേറെ കുരുവിട്ട് തൈമരമാക്കി. പത്താമൻ സത്യസന്ധനായിരുന്നു. Written by Binoy Thomas. Malayalam eBooks-856 - I.Q - 29, PDF - https://drive.google.com/file/d/1EuSW7f9ErAmTvoZgGO4erIda0d7B2qgx/view?usp=drivesdk

(855) ന്യായം എന്ത്?

  ഒരിക്കൽ, 5 കച്ചവടക്കാർ യാത്രാമധ്യേ അന്തിയുറങ്ങാൻ ഒരു വൃദ്ധയുടെ സത്രത്തിൽ ചെന്നു.  കച്ചവടക്കാർ ഒരു ചെമ്പുകുടം വൃദ്ധയെ ഏൽപ്പിച്ചിട്ടു പറഞ്ഞു -  "ഞങ്ങളുടെ ഇതുവരെയുള്ള സമ്പാദ്യം മുഴുവനും ഇതിലുണ്ട്. അതുകൊണ്ട് ഞങ്ങൾ അഞ്ചു പേരും ഒരുമിച്ചു ചോദിച്ചാൽ മാത്രമേ അമ്മച്ചി ഈ കുടം തിരികെ തരാവൂ" കാരണം, അവർക്ക് പരസ്പരം വിശ്വാസമില്ലായിരുന്നു. അടുത്ത പകൽ, അവർ അഞ്ചു പേരും മുറ്റത്ത് ഇരിക്കുന്ന സമയത്ത് മോരുവെള്ളവുമായി ഒരാൾ ആ വഴി പോയി. അവർക്കു ദാഹിച്ചപ്പോൾ അയാളെ വിളിച്ചു. മോര് വാങ്ങാനായി അമ്മച്ചിയോട് ഒരു കുടം വാങ്ങി വരാൻ അഞ്ചാമത്തെ കച്ചവടക്കാരനോട് മറ്റുള്ളവർ പറഞ്ഞു. പക്ഷേ, അഞ്ചാമൻ സൂത്രശാലി ആയിരുന്നു. അവൻ അമ്മച്ചിയോട് ചെമ്പു കുടമാണ് ചോദിച്ചത്! ഉടൻ, അമ്മച്ചിക്ക് വ്യവസ്ഥ ഓർമ്മ വന്നു. അമ്മച്ചി മുറ്റത്തുള്ള നാല് കച്ചവടക്കാരോട് വിളിച്ചു ചോദിച്ചു- "ഞാൻ കുടം ഇവന്റെ കയ്യിൽ കൊടുക്കട്ടെ ?" ഉടൻ, അവർ കൊടുക്കാൻ സമ്മതിക്കുകയും ചെയ്തു. അമ്മച്ചി കൊടുത്ത ചെമ്പു കുടവുമായി അഞ്ചാമൻ ആരും കാണാതെ സത്രത്തിന്റെ പിറകിലൂടെ ഓടി ! കുറെ കഴിഞ്ഞ് നാലു പേരും ചെമ്പുകുടം നഷ്ടപ്പെട്ടതിനാൽ അമ്മച്ചിയെ കൊട്ടാരത്തിലെ ന്യായാധിപ

(854) നിറത്തിന്റെ തർക്കം

  കുതിരയും കഴുതയും കൂട്ടുകാരായിരുന്നു. ഒരു ദിവസം, അവർ കാട്ടിലൂടെ നടക്കുമ്പോൾ ഒരു ഓറഞ്ച് നിലത്തു വീണു കിടപ്പുണ്ടായിരുന്നു. അതു കണ്ടിട്ട് കഴുത ആ പഴത്തിന്റെ നിറം നീലയാണെന്ന് പറഞ്ഞു. പക്ഷേ, കുതിര അതിനു ഓറഞ്ച് നിറമാണെന്ന് അവനോടു പറഞ്ഞു. പക്ഷേ, കുതിരയ്ക്ക് അത് ഇഷ്ടപ്പെട്ടില്ല. അവൻ കഴുതയെ തിരുത്താൻ തുടങ്ങി. എങ്കിലും, കഴുത സ്വന്തം അഭിപ്രായത്തിൽ ഉറച്ചു നിന്നു. അങ്ങനെ രണ്ടു പേരും വഴക്കിട്ടപ്പോൾ മറ്റു മൃഗങ്ങൾ എല്ലാവരും ഓടി വന്നു. ഈ തർക്കത്തിന് പരിഹാരം കാണാനായി സിംഹത്തിന്റെ ഗുഹയുടെ താഴെ അവരെല്ലാം ഒന്നിച്ചു കൂടി. കാര്യങ്ങൾ കേട്ടതിനു ശേഷം സിംഹം പറഞ്ഞു - "ഇതിനുള്ള ശിക്ഷയായി കുതിര ഈ ഗുഹയുടെ മുകളിൽ കയറി ഈ ദിവസം മുഴുവൻ പട്ടിണി കിടക്കട്ടെ" അന്നേരം, മൃഗങ്ങൾ അമ്പരന്നു. എന്താണ് ഇങ്ങനെ ശിക്ഷ കുതിരയ്ക്ക് വന്നത്?  ചോദ്യം: അതിന് സിംഹം പറഞ്ഞ മറുപടി എന്തായിരുന്നു ? ഉത്തരം - കഴുത കാട്ടിലെ ബുദ്ധിയില്ലാത്ത മൃഗമാണെന്ന് എല്ലാവർക്കും അറിയാം. അത് മനസ്സിലാക്കാതെ കുതിര തർക്കിച്ചതു മൂലം ഈ കാട്ടിൽ മൃഗങ്ങളുടെ കലാപം വരെ ഉണ്ടാകാം. Written by Binoy Thomas. Malayalam eBooks-854 - I. Q - 27, PDF - https://drive.google.c

(853) സ്വർണ്ണക്കട്ടി എത്ര?

 സൗത്ത് ആഫ്രിക്കയിലെ സ്വർണ്ണഖനിയിൽ നിന്നും ഫ്രാൻസിലേക്ക് ഒരു ചരക്കു വിമാനം പോകുകയായിരുന്നു. അതൊരു പഴയ വിമാനമായിരുന്നു. അതിൽ ഉണ്ടായിരുന്നത് 100 Gold bar ആയിരുന്നു. വിമാനത്തിൽ ഒരു പൈലറ്റ് മാത്രമേ ഉണ്ടായിരുന്നുള്ളൂ. അതിനിടയിൽ വിമാനത്തിന്റെ വലിയ വാതിൽ തകരാറു മൂലം തുറന്നു പോയി. പൈലറ്റിനു മുന്നിലെ വാതിലിന്റെ ബട്ടൺ പ്രവർത്തിക്കുന്നില്ല. ആദ്യ മിനിറ്റിൽ 1 Gold bar കാറ്റു കാരണം താഴെ കടലിൽ വീണു.  ചോദ്യം: എങ്കിൽ 30 മിനിറ്റ് കഴിയുമ്പോൾ വിമാനത്തിൽ എത്ര Gold Bar ഉണ്ടായിരിക്കും? ഉത്തരം: പൂജ്യം ! കാരണം, ശക്തമായ കാറ്റ് വിമാനത്തിൽ കയറി അത് കടലിൽ തകർന്നു വീണു! Written by Binoy Thomas, Malayalam eBooks-853-I. Q. Test - 26, PDF - https://drive.google.com/file/d/1R0AsRpMXkWeECzTAG-7wyLEoYY0KA5WE/view?usp=drivesdk

(852) നഷ്ടം എത്ര?

  ടൗണിലെ ഒന്നാമത്തെ കട, ടോം നടത്തുന്നു. രണ്ടാമത്തെ കട, ജാക്ക് നടത്തുന്നു. ഒരു stranger ഒന്നാമത്തെ കടയിലെത്തി 20 രൂപ വിലയുള്ള വാട്ടർ ബോട്ടിൽ വാങ്ങി. അയാൾ 100 രൂപ ടോമിനു കൊടുത്തു. പക്ഷേ, ബാക്കി 80 രൂപ കൊടുക്കാൻ ടോമിന് ഇല്ലായിരുന്നു. ടോം ജാക്കിന്റെ കടയിലെത്തി 100 രൂപ കൊടുത്തിട്ട് ചില്ലറ വാങ്ങി. പിന്നീട്, വാട്ടർ ബോട്ടിലും 80 രൂപയും അപരിചിതനു കൊടുത്തു വിട്ടു. പക്ഷേ, വൈകുന്നേരം ആയപ്പോൾ ജാക്ക് ടോമിന്റെ അടുത്തു വന്ന് ദേഷ്യപ്പെട്ടു. ടോം രാവിലെ കൊടുത്ത 100 രൂപ തിരികെ നൽകിയിട്ട് അത് fake currency ആയിരുന്നു എന്നു പറഞ്ഞു.  ഉടനെ, ടോം അതു വാങ്ങി നല്ല 100 രൂപ കൊടുത്തു. ചോദ്യം: ടോമിന് ആകെ ഉണ്ടായ നഷ്ടം എത്ര? ഉത്തരം - 100 രൂപ. ടോം fake currency ജാക്കിനു കൊടുത്ത് യഥാർഥ 100 രൂപയുടെ ചില്ലറ ആദ്യം വാങ്ങി. വൈകുന്നേരം യഥാർഥ 100 രൂപ ജാക്കിനു പരിഹാരമായി കൊടുത്ത് ആ ക്രയവിക്രയം ന്യൂട്രൽ ആയി. വാട്ടർ ബോട്ടിലും 80 രൂപയും അപരിചിതനു കൊടുത്തു. മൊത്തം 100 നഷ്ടം. Written by Binoy Thomas, Malayalam eBooks- 852 - IQ test- 25. PDF - https://drive.google.com/file/d/1CaYeEC7h8FVtXRcbo197GHC8UT-9R4g_/view?usp=drivesdk

(851) നിറച്ചത് എങ്ങനെ?

ഒരു ആശ്രമത്തിലെ സന്യാസിക്ക് 5 ശിഷ്യന്മാർ ഉണ്ടായിരുന്നു. ഒരിക്കൽ, അവരിൽ ആർക്കാണ് കൂടുതൽ പ്രായോഗിക ബുദ്ധി ഉള്ളതെന്ന് കണ്ടെത്താൻ സന്യാസി തീരുമാനിച്ചു. അദ്ദേഹം അവരോടു പറഞ്ഞു- "നമ്മുടെ ചെറിയ പൂജാമുറിയിൽ കയറി ഓരോ ആളും വാതിൽ അടയ്ക്കണം. എന്നിട്ട്, ഏറ്റവും എളുപ്പമായ മാർഗ്ഗത്തിലൂടെ ആ മുറി നിറയ്ക്കുന്നവൻ മുഖ്യ ശിഷ്യനായി മാറും" അവർ പലതരം സംഗതികൾ കൊണ്ട് മുറി നിറച്ചു. സന്യാസി അഞ്ചാമത്തെ ശിഷ്യനെ മുഖ്യ ശിഷ്യനായി തെരഞ്ഞെടുത്തു. ചോദ്യം: അഞ്ചാമൻ എന്താണ് മുറിയിൽ നിറച്ചത്? ഉത്തരം - പ്രകാശം. അതായത്, പൂജാമുറിയിലെ വിളക്ക് കത്തിച്ചപ്പോൾ മുറി മുഴുവൻ പെട്ടെന്ന് അത് നിറഞ്ഞു. Written by Binoy Thomas, Malayalam eBooks- 851- I. Q - 24. PDF - https://drive.google.com/file/d/1beEhGcsVwwIbUoFcQWIqs3mCAPKWC4fv/view?usp=drivesdk

(850) എങ്ങനെയാണ് തോറ്റത്?

  ഒരു രാജാവിന്റെ കൊട്ടാരത്തിൽ ബുദ്ധിമാനായ പണ്ഡിതൻ ഉണ്ടായിരുന്നു. ഒരിക്കൽ, അയൽ രാജ്യത്തു നിന്നും ഒരു മജീഷ്യൻ അവിടെ എത്തിച്ചേർന്നു. മജീഷ്യൻ അഹങ്കാരിയും പൊങ്ങച്ചക്കാരനും ആയിരുന്നു. അയാൾ കൊട്ടാരത്തിലെ ജനങ്ങൾക്കു മുന്നിൽ മൽസരം പ്രഖ്യാപിച്ചു. ആർക്കെങ്കിലും മജീഷ്യനെ തോൽപ്പിക്കാൻ പറ്റുമോ എന്നു വെല്ലുവിളിച്ചു. ഉടൻ, പണ്ഡിതൻ പറഞ്ഞു - "ഞാൻ കണ്ണടച്ച് ചെയ്യുന്നത് താങ്കൾക്ക് കണ്ണു തുറന്നു ചെയ്യാമോ?" വളരെ എളുപ്പമാണെന്ന് മജീഷ്യൻ വീമ്പിളക്കി. എന്നാൽ, പണ്ഡിതൻ കണ്ണടച്ച് ചെയ്തതു കണ്ടപ്പോൾ മജീഷ്യൻ പേടിച്ച് വഴിയിലൂടെ ഓടിപ്പോയി. ചോദ്യം - പണ്ഡിതൻ എന്തായിരുന്നു ചെയ്തത്? ഉത്തരം - പണ്ഡിതൻ കുറച്ചു മുളകുപൊടിയും വെള്ളവുമായി അവിടെ വന്നു. എന്നിട്ട്, വെള്ളത്തിൽ ചാലിച്ച മുളകുപൊടി കണ്ണടച്ച് കൺപോള മേൽ പുരട്ടി. പിന്നീട് കഴുകിക്കളഞ്ഞു. മജീഷ്യന് കണ്ണു തുറന്ന് അതു ചെയ്യാൻ പറ്റില്ല. Written by Binoy Thomas. Malayalam eBooks-850- I. Q - 23, PDF - https://drive.google.com/file/d/1FC8tM5lvRICJiiqXGrRp0EEQya2HQfVI/view?usp=drivesdk

(849) എത്ര സമയം വേണം?

  ഒരു ഗ്രാമത്തിലേക്ക് ദൂരെ ദേശത്തു നിന്നും ഒരു പ്രധാന വഴി വരുന്നുണ്ട്. വലിയ ആൽമരച്ചുവട്ടിൽ എത്തുമ്പോൾ ആ വഴി രണ്ടായി തിരിയുന്നു.  വലതു വശത്തുകൂടി പോകുന്ന വഴി ചന്തയിലേക്കുള്ളതാണ്. ഇടതു വശത്തുകൂടിയുള്ള വഴി കോസല രാജ്യത്തേക്കുള്ളതാണ്. ഒരു ദിവസം, ദൂരെ ദിക്കിൽ നിന്നും നടന്ന് ഒരാൾ ആ കവലയിലെത്തി. ആ മരച്ചുവട്ടിൽ കണ്ണടച്ച് ധ്യാനിച്ചിരുന്ന സന്യാസിയോട് അയാൾ ചോദിച്ചു - "കോസല രാജ്യത്തേക്കു ഞാൻ എത്താൻ എത്ര സമയമെടുക്കും?" സാധാരണയായി 4 മണിക്കൂർ നടപ്പു സമയം ഉണ്ട്. പക്ഷേ, സന്യാസി കണ്ണു തുറന്ന ശേഷം പറഞ്ഞു - "എനിക്കറിയില്ല" അയാൾ ഒന്നും മിണ്ടാതെ നേരേ പോകുന്ന വഴിയിലൂടെ മുന്നോട്ടു നടന്നു പോയി. കുറെ ദൂരം നടന്ന അയാളെ സന്യാസി കൈ കൊട്ടി വിളിച്ചു. അയാൾ തിരികെ വന്നപ്പോൾ സന്യാസി പറഞ്ഞു - " 3 മണിക്കൂർ " ചോദ്യം:  എന്തുകൊണ്ടാണ് സന്യാസി ആദ്യം സമയം പറയാതിരുന്നത്? ഉത്തരം: അയാൾ നടക്കുന്ന വേഗം കാലിൽ നോക്കി സന്യാസി പിന്നീടാണ് കണ്ടത്. Written by Binoy Thomas, Malayalam eBooks - 849 - IQ Test - 22, PDF - https://drive.google.com/file/d/1XcBiZzcng68wdYW_iWiRabvtUI9XIZxx/view?usp=drivesdk

(848) വടിയുടെ നീളം?

  ഒരു രാജകൊട്ടാരത്തിലെ മന്ത്രിയുടെ മുറി. 10 ഭൃത്യന്മാർ എല്ലാ ദിവസവും പല കാര്യങ്ങൾക്കായി ആ മുറിയിൽ വരാറുണ്ട്. ഒരു ദിവസം, മന്ത്രിയുടെ സ്വർണ്ണ മാല മോഷണം പോയി. ഉടൻ, രാജാവ് പത്ത് ഭൃത്യന്മാരെയും വിളിച്ചു വരുത്തി. യഥാർഥ കള്ളനെ എങ്ങനെ കണ്ടുപിടിക്കും എന്നോർത്ത് അദ്ദേഹം കുഴങ്ങി. അന്നേരം, ബുദ്ധിമാനായ കൊട്ടാര പണ്ഡിതൻ ഒരു വഴി കണ്ടെത്തി. അയാൾ ഒരേ വലിപ്പമുള്ള ചെറിയ 10 വടികൾ ഓരോ ഭൃത്യനും കൊടുത്തു.  പണ്ഡിതൻ പറഞ്ഞു - " ഇത് ഒരു അത്ഭുത വടിയാണ്. നിങ്ങൾ ഇന്നു രാത്രിയിൽ തലയണയുടെ അടിയിൽ വച്ച് ഉറങ്ങണം. നാളെ രാവിലെ ഇവിടെ നിർത്തി ഞാൻ വടിയുടെ നീളം പരിശോധിക്കും. അന്നേരം, കള്ളന്റെ വടി മാത്രം 1 ഇഞ്ച് നീളം കൂടിയത് കാണാൻ പറ്റും " ചോദ്യം -അടുത്ത ദിവസം രാവിലെ പത്തുപേരും വടികളുമായി എത്തി. യഥാർഥ കള്ളനെ പിടിക്കുകയും ചെയ്തു. എങ്ങനെ? ഉത്തരം - വടികൾ വെറും സാധാരണ വടികൾ ആയിരുന്നു. പക്ഷേ യഥാർഥ കള്ളൻ വടിയുടെ നീളം കൂടുമെന്നു വിചാരിച്ച് 1 ഇഞ്ച് മുറിച്ചു കളഞ്ഞു. Written by Binoy Thomas, Malayalam eBooks-848 - ബുദ്ധി പരീക്ഷ - 21, PDF - https://drive.google.com/file/d/1gqG1EbwL4M0bbI06cnYk5S4YvWGNLkd4/view?usp=drivesdk

(847) അക്കരെ പോകാൻ?

  ഗ്രാമത്തിലെ മനുഷ്യന് ഒരു കോഴിയും കുറുക്കനും ഒരു ചാക്ക് നെല്ലുമായി അടുത്ത ഗ്രാമത്തിലേക്കു പോകണം. ഒരു ചെറുവള്ളത്തിൽ പുഴ കടന്നു വേണം പോകാൻ. പക്ഷേ, ചെറിയ വള്ളത്തിൽ ഒരു പ്രാവശ്യം ഏതെങ്കിലും ഒന്നു മാത്രമേ കൊണ്ടുപോകാൻ പറ്റൂ - കോഴി അല്ലെങ്കിൽ നെല്ല് അല്ലെങ്കിൽ കുറുക്കൻ. എന്നാൽ, ഒരു പ്രശ്നമുണ്ട്. കോഴി നെല്ലു തിന്നാൻ പാടില്ല. കുറുക്കൻ കോഴിയെ തിന്നാൻ പാടില്ല. എങ്ങനെ അക്കരെ എത്തിക്കാൻ പറ്റും? ആദ്യം കോഴിയുമായി വള്ളത്തിൽ അക്കരെ പോകുന്നു. തിരികെ ഒറ്റയ്ക്ക് പോരുന്നു. രണ്ടാമത് നെല്ലു ചാക്കുമായി അക്കരെ പോകുന്നു. ചാക്ക് ഇറക്കി വച്ചിട്ട് കോഴിയുമായി തിരികെ പോരുന്നു. മൂന്നാമത്, കോഴിയെ ആദ്യ സ്ഥലത്ത് ഇറക്കുന്നു. കുറുക്കനുമായി അക്കരെ പോകുന്നു. കുറുക്കനെ ഇറക്കിയിട്ട് തിരികെ ഒറ്റയ്ക്ക് പോരുന്നു. നാലാമത് , കോഴിയുമായി അക്കരെ പോകുന്നു. ഇപ്പോൾ എല്ലാം അക്കരെയിലായി. Written by Binoy Thomas, Malayalam eBooks- 847- ബുദ്ധി പരീക്ഷ - 20, PDF - https://drive.google.com/file/d/1h1-i0JiMc7xVBJWHCJZIn0AFsi5H1zUC/view?usp=drivesdk

(846) തത്തകളുടെ പക്ഷം!

  ഒരു വലിയ വീട്ടിൽ രണ്ടു തത്തകളെ കൂട്ടിലിട്ട് യജമാനൻ വളർത്തിയിരുന്നു. അദ്ദേഹം വളരെ നല്ല മനുഷ്യനായിരുന്നു. നീതിയും ന്യായവും സത്യവും ധർമ്മവും എല്ലാം അയാൾ പാലിച്ചിരുന്നു. ഈ തത്തകളെ കൂടിനു വെളിയിൽ ഇറക്കി ഏറ്റവും നല്ല ആഹാരം കൊടുത്ത് ഇണക്കി വളർത്തി സംസാരിക്കാനും പഠിപ്പിച്ചു. എന്നാൽ, അയാളുടെ ഭാര്യ ദുഷ്ടയായിരുന്നു. ഒരു ദിവസം, രാവിലെ അയാൾ പറഞ്ഞു - "ഞാൻ ഒരു യാത്ര പോകുകയാണ്. തിരികെ വരുമ്പോൾ ഈ വീട്ടിലെ എല്ലാ കാര്യങ്ങളും നിങ്ങൾ എന്നോടു പറയണം. മാത്രമല്ല, ഭാര്യയുടെ തെറ്റുകൾ തിരുത്തണം" അയാൾ പോയപ്പോൾ ഭാര്യ ധാന്യങ്ങൾ കച്ചവടക്കാർക്കു വിറ്റു. അന്നേരം, ചെറിയ തത്ത പറഞ്ഞു - "ചേട്ടാ, ഞാൻ ആ സ്ത്രീയെ തെറ്റിൽ നിന്നും പിന്തിരിപ്പിക്കാൻ പോകുകയാണ് " പക്ഷേ, നാം ഒന്നും ചെയ്യേണ്ടതില്ല എന്ന് വലിയ തത്ത പറഞ്ഞു. എന്നാൽ, തെറ്റ് സ്ത്രീയോടു പറഞ്ഞപ്പോൾ അവൾ അതിനെ കൊന്നു. യജമാനൻ തിരികെ വന്നപ്പോൾ കൂടു തുറന്ന് വലിയ തത്തയെ വെളിയിലിറക്കി ചോദിച്ചു - " ചെറിയ തത്ത എവിടെ?" ആ പക്ഷി ഒന്നും മിണ്ടാതെ ദൂരെയ്ക്കു പറന്നു പോയി. ചോദ്യം -ഈ നാലു കഥാപാത്രങ്ങളിൽ നിങ്ങൾ ആരുടെ പക്ഷത്താണ് ? ഉത്തരം - സ്ത്രീ ദുഷ്ടയാണ്. അവളെ

(845) ഓറഞ്ചുകളുടെ എണ്ണം!

  ടോം ഒരു സ്കൂൾ വിദ്യാർഥിയാണ്. അവന് 5 വയസ്സാണ് പ്രായം. ഒന്നാം ക്ലാസ്സിൽ പഠിക്കുന്നു. ഒരു ദിവസം കണക്കു ടീച്ചർ 3 ആപ്പിളും 3 ഓറഞ്ചുമായി ക്ലാസിൽ വന്നു. കുട്ടികളെ എണ്ണാൻ പഠിപ്പിക്കുകയായിരുന്നു ടീച്ചറിന്റെ ലക്ഷ്യം. മുന്നിലെ ചെയറിൽ ഇരുന്ന ടോമിന് 3 ഓറഞ്ച് ഓരോന്നായി കൊടുത്തു. അതിനു ശേഷം ടീച്ചർ ചോദിച്ചു - "ഇപ്പോൾ നിന്റെ കൈവശം എത്ര ഓറഞ്ച് ഉണ്ട്?"  അവൻ ഉത്തരം പറഞ്ഞു - 4! ഉടൻ, ടീച്ചർ 3 ആപ്പിൾ ഓരോന്നായി കൊടുത്തിട്ട് അതേ ചോദ്യം ആവർത്തിച്ചു. അവൻ ഉത്തരമായി 3 എന്നു പറഞ്ഞപ്പോൾ ടീച്ചർക്ക് സന്തോഷമായി. അവൻ എണ്ണാൻ പഠിച്ചെന്നു കരുതി പിന്നെയും 3 ഓറഞ്ച് കൊടുത്തു. ടീച്ചർ ചോദിച്ചു - "ഇപ്പോൾ എത്ര ഓറഞ്ചുണ്ട് ?" അവൻ 4 എന്ന് ഉത്തരം പറഞ്ഞു. ടീച്ചർ അവനോടു ദേഷ്യപ്പെട്ടു. ചോദ്യം - 4 ഓറഞ്ച് എന്നു ടോം പറയാനുള്ള കാരണം എന്ത്? ഉത്തരം -  ടോം സത്യമാണ് പറഞ്ഞത്. അവന്റെ ബാഗിൽ ഒരു ഓറഞ്ച് ഉണ്ടായിരുന്നു. അതിനാൽ ആകെ 4! Written by Binoy Thomas, Malayalam eBooks-845-I.Q test-18, pdf- https://drive.google.com/file/d/1H6fESa47imxPdTC5kJVSjWB4_XYfqqXe/view?usp=drivesdk

(844) കടലമ്മയും സന്യാസിയും

  മനോഹരമായ കടൽത്തീരമായിരുന്നു അത്. അവിടെ, ഒരു സന്യാസി സൂര്യാസ്തമയം ആസ്വദിച്ച് മണലിൽ ഇരിപ്പുണ്ടായിരുന്നു. അയാൾക്കു മുന്നിലൂടെ 2 വലിയ ഞണ്ടുകൾ കളിച്ചു നടക്കുന്നുണ്ട്. തിരമാലകൾ ക്രമമായി വന്നു പോയി. പെട്ടെന്ന് , വലിയ തിരമാല അവിടെ ആഞ്ഞടിച്ചു. ആ രണ്ടു ഞണ്ടുകളെയും വെള്ളം വലിച്ചെടുത്ത് കടലിലേക്ക് എറിഞ്ഞു. അരമണിക്കൂർ കഴിഞ്ഞപ്പോൾ ഒരു ഞണ്ട് ദേഷ്യത്തോടെ മണ്ണിലേക്കു തിരികെയെത്തി. അവിടെ കണ്ട സന്യാസിയെ ഇറുക്കാൻ വന്നു. അന്നേരം അദ്ദേഹം കാര്യം ചോദിച്ചു. ഞണ്ട് പറഞ്ഞു - "ഈ കടലമ്മ ദുഷ്ടയാണ്. വലിയ തിരമാല വന്ന് എന്റെ കൂട്ടുകാരനെ ഇപ്പോൾ കാണാനില്ല" അപ്പോൾ, സന്യാസിയുടെ മറുപടി കേട്ട് ഞണ്ട് മാപ്പു പറഞ്ഞു. ചോദ്യം - എന്താണ് സന്യാസി പറഞ്ഞത്? ഉത്തരം താഴെ. ഉത്തരം കിട്ടാനുള്ള സമയം കൂടുതൽ വേണമെങ്കിൽ ഇവിടെ നിർത്തണം. ഉത്തരം - ഞണ്ടുകൾ കളിക്കുന്നതു കണ്ട് ഒരു മുക്കുവൻ അങ്ങോട്ടു വന്നപ്പോൾ കടലമ്മ വലിയ തിരമാല കൊണ്ട് അവരെ രക്ഷിച്ചു. Written by Binoy Thomas, Malayalam eBooks-844-I.Q test-17, pdf- https://drive.google.com/file/d/1HvgxAqciWFFdlMw7zW-wUdx-VpqEAWUp/view?usp=drivesdk