(560) തീയറ്റർ ആർട്ടിസ്റ്റ്

 ഇംഗ്ലണ്ടിലെ കെന്റ് പ്രവിശ്യയിൽ നടന്ന സംഭവം.

ഒരിക്കൽ, ആറു വയസ്സുള്ള പെൺകുട്ടിയുടെ അമ്മയെ സ്കൂളിലേക്ക് പ്രധാന അധ്യാപിക വിളിച്ചു വരുത്തി ശകാരിച്ചു -

" ഈ കുട്ടിയെ ഏതെങ്കിലും സ്‌പെഷൽ സ്കൂളിൽ ചേർക്കുക. കാരണം, ഇവൾക്ക് ക്ലാസ്സിൽ ശ്രദ്ധയുമില്ല, എല്ലാവരെയും ശല്യം ചെയ്യുന്നുമുണ്ട് "

അമ്മ കുട്ടിയെ ചൈൽഡ് സൈക്കോളജിസ്റ്റിനെ കാണിച്ചു. അവർ നിരീക്ഷിച്ചതിനു ശേഷം, കുട്ടിയെ അടുത്ത പൂന്തോട്ടത്തിലേക്കു കൊണ്ടുപോയി. റേഡിയോ ഗാനം കേൾപ്പിച്ചു. ആ കുട്ടി പൂക്കളും ചെടികളും ആസ്വദിച്ചു കൊണ്ട് മതിമറന്നുള്ള ഡാൻസ് ചെയ്തു.

അന്നേരം, ഡോക്ടർ അമ്മയോടു പറഞ്ഞു - " ഈ കുട്ടിയെ നൃത്തം പഠിപ്പിക്കുന്ന സ്കൂളിൽ ചേർക്കുക "

അമ്മ അങ്ങനെ ചെയ്തു. ആ കുട്ടി പിന്നീട് പ്രശസ്തയായ ഡാൻസർ , തിയറ്റർ ആർട്ടിസ്റ്റ് കൊറിയോഗ്രാഫർ എന്നിങ്ങനെ ആയി മാറുകയും ചെയ്തു. പേര് - ഗില്ലിയൻ ബാർബറ ലിനെ! ( Gillian Barbara Lynne, English actress, ballerina, dancer, theatre artist, choreographer)

ചിന്താശകലം - നാം മനുഷ്യർ അനേകം കഴിവുകളുമായി ഈ ഭൂമിയിൽ പിറന്നുവീഴുന്നു. ചിലർക്ക് കഴിവുണ്ടെന്ന് ഒരു ജന്മം കൊണ്ടു പോലും മനസ്സിലാക്കാൻ കഴിയാറില്ല. മറ്റു ചിലർക്ക് കഴിവു കണ്ടെത്തിയാലും അവസരവും സാഹചര്യവും ഒത്തുവരാറില്ല.

വേറെ ചിലരാകട്ടെ, യാതൊരു കഴിവുമില്ലാതെ വളഞ്ഞ വഴിയിലൂടെ വലിയ സ്ഥാനങ്ങളിൽ എത്തി അതെല്ലാം ദുർവിനിയോഗം ചെയ്യാറുമുണ്ട്.

Comments

MOST POPULAR POSTS

Best 10 Malayalam Motivational stories

പഞ്ചതന്ത്രം കഥകള്‍ -1

അറബിക്കഥകള്‍ -1

ഹോജ-മുല്ലാ-കഥകള്‍ -1

ചെറുകഥകള്‍