Guru Nithyachaithanya yathi
ഗുരു നിത്യചൈതന്യയതി
ഗുരുവിന്റെ യഥാർഥ നാമം ജയചന്ദ്ര പണിക്കർ എന്നായിരുന്നു. ജയചന്ദ്രന് ആറു വയസ്സുള്ളപ്പോൾ അവന്റെ ക്ലാസിൽ ക്രിസ്ത്യാനി മുസ്ലീം ഹിന്ദു കുട്ടികളെല്ലാം കൂട്ടുകാരായി ഉണ്ടായിരുന്നു.
ഒരു ദിവസം ഗോപാലപിള്ളസാർ ക്ലാസ് എടുക്കുന്നതിനിടെ എല്ലാവരോടുമായി ചോദിച്ചു -
"ഈ ക്ലാസിലെ ക്രിസ്ത്യാനികൾ എണീറ്റു നിൽക്ക ''
ഉടൻ, കുറച്ചു കുട്ടികൾ എണീറ്റു. അക്കൂട്ടത്തിൽ അവന്റെ ഉറ്റ ചങ്ങാതിയായ പീറ്ററും ഉണ്ടായിരുന്നു. അങ്ങനെ, ജയചന്ദ്രനും അവന്റെ കൂടെ എണീറ്റു. കാരണം, താൻ ഏതു മതക്കാരനെന്ന് ആ കുട്ടിക്ക് അറിയില്ലായിരുന്നു.
ഉടൻ, ഗോപാലപിള്ളസാർ അവനെ തറപ്പിച്ചു നോക്കി പറഞ്ഞു -
"ഇരിക്കടാ, അവിടെ "
അവൻ ഇരുന്നു.
പിന്നെ സാർ പറഞ്ഞു -
"ഇനി മുസ്ലീങ്ങൾ എണീറ്റു നിൽക്കുക"
അപ്പോൾ ജയചന്ദ്രൻ നോക്കിയപ്പോൾ കൂട്ടുകാരായ ബീരാൻകുട്ടിയും മറ്റും എണീറ്റിരിക്കുന്നു. ഉടൻ, അവൻ വീണ്ടും എണീറ്റു. അന്നേരം, സാർ വീണ്ടും കോപത്തോടെ പറഞ്ഞു -
"നീ ഇരിക്ക് "
ജയചന്ദ്രൻ അതോടെ ആശയക്കുഴപ്പത്തിലായി. പിന്നെ, സാർ ആവശ്യപ്പെട്ടത് -
"ഈ ക്ലാസിലെ ഹിന്ദു കുട്ടികൾ എണീക്ക്"
ഇത്തവണ മറ്റു പലരും എണീറ്റെങ്കിലും രണ്ടു തവണ പരാജയം രുചിച്ച ജയചന്ദ്രൻ അനങ്ങിയില്ല!
വീണ്ടും ഗോപാലപിള്ളസാർ കോപിച്ചു -
"എടാ, കഴുതേ, എണീക്ക്. നീ ഹിന്ദുവാണ്"
അപ്പോൾ ജയചന്ദ്രന് ഒരു കാര്യം മനസ്സിലായി- താൻ ഒരേ സമയം കഴുതയും ഹിന്ദുവുമാണ്!
This is a story from the life of Guru Nityachaitanya yati.
Comments