Riddle Malayalam
കടങ്കഥകള്‍
ഇന്നത്തെപ്പോലെ സ്കൂൾ, സിലബസ്, കുട്ടികൾ എന്നിവര്‍ക്കൊക്കെ കിടമൽസരബുദ്ധിയില്ലാത്ത ഒരു കാലമുണ്ടായിരുന്നു പണ്ട്. പണ്ടെന്നു പറഞ്ഞാല്‍- ടിവി, സ്മാര്‍ട്ട്‌ഫോണ്‍, ഇന്റര്‍നെറ്റ്‌ വന്നിട്ടില്ലാത്ത കാലം! അന്ന്, പഠനം വളരെ രസകരമായിരുന്നു. ആവശ്യത്തിലധികം പഠിക്കാനില്ല. അതിനാൽ, കളിക്കാനും കഥ പറയാനും കേൾക്കാനും സമയമുണ്ടായിരുന്നുവല്ലോ. അക്കാലത്ത്, കുട്ടികൾ പരസ്പരം കടങ്കഥകൾ ചോദിച്ച് തോറ്റാൽ കടം കുടിച്ചുവെന്ന് പറയും. കുട്ടികളുടെ കൂട്ടായ്മകള്‍ നാട്ടിലെങ്ങും സുലഭമായിരുന്നു.
കടങ്കഥയെന്നാൽ,
ഗൂഢമായ അർഥമുള്ളതും
ഉത്തരം പെട്ടെന്ന് കിട്ടാത്തതുമായ
സാഹിത്യവിനോദം ആകുന്നു.
ഇംഗ്ലീഷിൽ riddle എന്നു പറയും. മിക്കവാറും എല്ലാ ഭാഷകളിലും ഇതു കണ്ടുവരുന്നുണ്ട്. തോൽക്കഥ, അഴിപ്പാൻകഥ എന്നും മലയാളത്തിൽ ഇതിനെ വിളിക്കുന്നുണ്ട്. കവി കുഞ്ഞുണ്ണിമാഷ് കടങ്കഥകളെ പ്രോൽസാഹിപ്പിക്കുകയും പ്രയോഗിക്കുകയും ചെയ്തിരുന്നു.
രാജസദസ്സിലെ തർക്ക
സമയത്തും വിദൂഷകരും പണ്ഡിതരും
കടുകട്ടിയായ കടങ്കഥകൾകൊണ്ട്
മൽസരിച്ചിരുന്ന ഒരു
കാലവുമുണ്ടായിരുന്നു ഭാരതത്തിന്‌.
ഈ പരമ്പരയിലൂടെ, മലയാള പഴമയുടെ വിനോദമായ കടങ്കഥകളിൽ ലളിതമായത് തെരഞ്ഞെടുത്തവ പുതിയ തലമുറയ്ക്ക് പരിചയപ്പെടുത്തട്ടെ. Malayalam eBooks, poet kunhunni mash, kunjunni, tholkkadha, azhippan kathakal, kadamkadhakal, kadankathakal
Comments