16/09/20

Arabian stories

 അറബിക്കഥകള്‍

കഥകളുടെ ലോകത്തെ ഒരു വിസ്മയമാകുന്നു 'ആയിരത്തൊന്ന് രാവുകള്‍'. അറബിക്കഥകള്‍, അറേബ്യന്‍കഥകള്‍  എന്ന പേരിലും ഇവ പ്രശസ്തമാണ്അറബിഭാഷയില്‍ രചിക്കപ്പെട്ട ഈ കൃതി ഇപ്പോള്‍ അനേകം ലോകഭാഷകളില്‍ ലഭ്യമാണ്ഇതില്‍ ഒട്ടേറെ അറബ്-പേര്‍ഷ്യന്‍ നാടോടിക്കഥകളും ഉള്‍പ്പെടുന്നുണ്ട്അനേകം സാഹിത്യകാരന്മാരും വിവര്‍ത്തകരും ഈ കഥകളുടെ സമാഹരണത്തില്‍ വിവിധ തരത്തില്‍ പങ്കാളികളായിഇറാഖില്‍ 9-10 നൂറ്റാണ്ടുകള്‍ക്കിടയില്‍ കിട്ടിയ അറബിക്കഥകള്‍ ഇത്തരത്തില്‍ ലഭ്യമായ ഏറ്റവും പഴക്കമേറിയ കൃതിയാണ്. 'അലാവുദ്ദീനും അത്ഭുത വിളക്കും', 'ആലിബാബയും 41 കള്ളന്മാരും', 'സിന്‍ബാദ് കഥകള്‍എന്നിങ്ങനെ ഒട്ടേറെ കഥകള്‍ ഏവരെയും രസിപ്പിക്കുമെന്നു തീര്‍ച്ചയാണ്.

ഞാന്‍ എട്ടാം തരത്തില്‍ പഠിക്കുമ്പോള്‍ഏതോ പ്രസാധകര്‍ മലയാളത്തില്‍ സമ്പൂര്‍ണ കൃതിയായി 'ആയിരത്തൊന്ന് രാവുകള്‍പല വാല്യങ്ങളായി പുറത്തിറങ്ങിയപ്പോള്‍ പുസ്തകം പോലെ വിലയും കനത്തതായിരുന്നുവെന്ന് ഓര്‍മിക്കുന്നുണ്ട്പൂമ്പാറ്റയും ബാലരമയും കുറച്ചു 'മൊട്ടായി'കളും വാങ്ങി നുണയുന്ന എനിക്കത് അപ്രാപ്യവുമായിരുന്നുഎന്നാല്‍എന്റെ കൂട്ടുകാരന്റെ ബന്ധുവായ കവി-ഉണ്ണികൃഷ്ണന്‍കാഞ്ഞിരത്താനത്തിന്റെ കൈവശമുണ്ടായിരുന്ന ഈ അറബിക്കഥകള്‍ അവനു വായിക്കാന്‍ കൊടുത്തപ്പോള്‍ എനിക്കും മുഴുവന്‍ വായിക്കാനായെന്നു നന്ദിയോടെ സ്മരിക്കട്ടെവായനയിലൂടെ ഭാവനയുടെ ഒരു മായാപ്രപഞ്ചം സൃഷ്ടിക്കുന്ന ഒരു പ്രത്യേക അനുഭവമായിരുന്നു അത്.

ഇതിന്റെ ഇതിവൃത്തത്തിലേക്ക് ഒന്നു കണ്ണോടിക്കാം.

ഷഹരിയാര്‍ എന്നൊരു സുല്‍ത്താന്‍ തന്നെ ചതിച്ച രാജ്ഞിയെ വധിച്ചതുകൂടാതെ അന്നാട്ടിലെ ഓരോ കന്യകയെയും വിവാഹം ചെയ്ത ശേഷം ആദ്യരാത്രിയുടെ അന്ത്യയാമത്തില്‍ കൊന്നൊടുക്കി കോപം തീര്‍ത്തുകൊണ്ടിരുന്നുഒടുവില്‍മന്ത്രിയുടെ മകളായ ഷഹര്‍സാദയുടെ ഊഴവും വന്നുചേര്‍ന്നുസുല്‍ത്താനുമായുള്ള ആദ്യരാവില്‍അവള്‍ ബുദ്ധിപരമായി കഥ പറയുവാന്‍ തുടങ്ങിപൂര്‍ണമാകാത്ത തരത്തില്‍ ഓരോ കഥയും രാത്രിയില്‍ സുല്‍ത്താനോട് പറഞ്ഞ് അദ്ദേഹത്തിന്റെ കഥ കേള്‍ക്കാനുള്ള ആകാംക്ഷ വര്‍ധിപ്പിച്ചുകൊണ്ടിരുന്നുഅങ്ങനെ ആ അറബിക്കഥകള്‍ ആയിരത്തൊന്നു രാവുകള്‍ തുടര്‍ച്ചയായി നീണ്ടുപോയിഒടുവില്‍അദ്ദേഹത്തിന്റെ മനസ്സും അവളിലേക്ക്‌ രൂപാന്തരപ്പെട്ടതിനാല്‍ മറ്റുള്ള കന്യകകള്‍ രക്ഷപെടുകയും ചെയ്തുഅവള്‍ പറഞ്ഞ കഥകള്‍ ഈ മഹത്തായ കൃതിയുടെ പിറവിക്കു കാരണമായി.

arabikkadhakal, persian, arabian stories, folk tales, ayirathonnu ravukal rathrikal nights എന്നിങ്ങനെയുള്ള വായന തുടങ്ങാം.