സുരക്ഷ-1-ഫോണ്‍കോള്‍

This Malayalam eBooks-72-suraksha-1-phone-call is a part of book series that explains different safety measures, control, precautions about driving, vehicle, water, air transport, driver, fire, lightning, natural disaster, cooking gas, industrial safety, use of electronic gadgets, electricity etc.
Author-Binoy Thomas, pdf 6 pages, size-65 kb, Free eBook.

'സുരക്ഷ-1-ഫോണ്‍കോള്‍' പരമ്പരയിലെ ആദ്യത്തേത്. സേഫ്റ്റി, അപകടങ്ങള്‍, മുന്‍കരുതലുകള്‍, വാഹനസുരക്ഷ, ഡ്രൈവിംഗ്, ഡ്രൈവര്‍, യാത്രയില്‍ ശ്രദ്ധ, വൈദ്യതി, ഗ്യാസ്, ഉപകരണങ്ങള്‍, ഫാക്ടറികള്‍, തീ, മിന്നല്‍, വെള്ളം, കാലാവസ്ഥ എന്നിങ്ങനെ നല്ല ജീവിതത്തിനു വേണ്ടുന്ന കാര്യങ്ങള്‍ പറയുന്ന പരമ്പര.

ഫോൺ കോൾ

ഒരു പ്രശസ്ത ഡോക്ടറും ഭാര്യയുംകൂടി ടാക്സി കാറിൽ റെയിൽവേ സ്റ്റേഷനിൽ നിന്ന് വീട്ടിലേക്കു മടങ്ങുകയായിരുന്നു. നല്ല സുരക്ഷിതമായിട്ടാണ് ഡ്രൈവര്‍ കാർ ഓടിച്ചിരുന്നത്. യാത്രയ്ക്കിടയിൽ ഒരു കോൾ വന്നതിനാൽ അയാൾ റോഡരികിൽ വാഹനം നിർത്തിയിട്ടു. സെൽഫോൺ നോക്കിയപ്പോൾ പെട്ടെന്നാണ് അയാൾക്കു കോപം ഇരമ്പി വന്നത്! 

പിന്നെ, തെറിയുടെ പൊടിപൂരമായിരുന്നു പിൻസീറ്റിലിരുന്ന ഡോക്ടറും ഭാര്യയും കേട്ടത്. ഏതോ ഒരുവൻ ഈ കാറിൽ ഓട്ടം പോയിട്ട് രൂപ കൊടുക്കാതെ അവധി വിളിച്ചു പറഞ്ഞതാണ് ഇവിടുത്തെ പ്രശ്നം.

ഇതു കേട്ടിട്ട് ഡോക്ടർ ഒരു കുലുക്കവുമില്ലാതെ സീറ്റിൽ ചാരിക്കിടന്നപ്പോൾ ഭാര്യയിൽ ദേഷ്യം കലശലായി -

"ദേ, അവൻ ആളും തരവും നോക്കാതെയാണോ ഫോണിലൂടെ തെറി വിളിക്കുന്നത്? ഇവന്റെ കാശു കൊടുത്തു വിട്ടേക്ക്. വേറെ കാറു കിട്ടാനാണോ വിഷമം?"

എന്നാൽ, ഡോക്ടർ അപ്പോഴും മൗനം പാലിച്ച് എന്തോ ചിന്തിച്ചുകൊണ്ടിരുന്നു.

"നിങ്ങൾ എന്താ ഒന്നും മിണ്ടാത്തത്? വിദേശത്തു പോലും അറിയപ്പെടുന്ന ഡോക്ടറല്ലേ?"

അപ്പോൾ അദ്ദേഹം മറുപടിയായി ഇങ്ങനെ പറഞ്ഞു:

"കഴിഞ്ഞ മാസം നമ്മൾ കുട്ടികളുമൊത്ത് ഇതിലെ പോയപ്പോൾ ഡ്രൈവർ ഞാനായിരുന്നു. അന്ന് എനിക്കും ഒരു കോൾ വന്നിരുന്നു, ഹോസ്പിറ്റലിൽനിന്ന്. ഒരു പേഷ്യന്റിന്റെ കേസ് പറയാൻ. ഞാനന്ന് ഇതേപോലെ തെറിയൊന്നും വിളിച്ചില്ല"

അപ്പോൾ ഭാര്യ ഇടയ്ക്കു കയറി പറഞ്ഞു -

"ങ്ങാ. അതുതന്നെയാ ഞാനും പറഞ്ഞുവന്നത്"

ഭാര്യയ്ക്ക് പകുതി സമാധാനമായി.

ഡോക്ടർ തുടർന്നു-

"എന്നാലോ? ഞാൻ ഫോണിൽ സംസാരിച്ചുകൊണ്ട് വേഗം കുറയ്ക്കാതെ തന്നെ ഈ തിരക്കേറിയ റോഡിലൂടെ പോകുകയാണു ചെയ്തത്"

ഭാര്യ അതിനൊപ്പിച്ചു പ്രതികരിച്ചു-

"അന്ന് ഞങ്ങളെ വീട്ടിലാക്കിയിട്ട് വേഗം ഹോസ്പിറ്റലിലേക്ക് പോകുകയല്ലേ ചെയ്തത്. ഞാനത് ഓർക്കുന്നുണ്ട്"

"നമ്മുടെ ഫാമിലിയുടെ ജീവനേക്കാൾ വലിയ കാര്യമൊന്നുമല്ല ഇയാളുടെ ചീത്ത വിളി. അവൻ ചെയ്ത ജോലിക്ക് കൂലി കൊടുക്കാതിരുന്നാൽ പിന്നെ അവനു സഹിക്കുമോ?”

"അവനെ ന്യായീകരിക്കുവാണോ?”

''അതെ. അയാൾ ഫോൺ എടുക്കുന്നതിനു മുൻപു തന്നെ നമ്മുടെ സുരക്ഷ ഉറപ്പാക്കാനായി കാർ നിർത്തിയിട്ടാണ് വിളിച്ചത്. പക്ഷേ, ഇത്രയും അറിവുള്ള ഞാന്‍ അന്ന് ചെയ്തതോ?"

കുറച്ചുനേരം സഹധര്‍മിണി അതു വിശകലനം ചെയ്ത് തനിക്കു ജയിക്കാൻ വഴി അന്വേഷിച്ചെങ്കിലും ഒരു ചമ്മിയ ചിരിയോടെ തോൽവി സമ്മതിച്ചു.

കാർ അപ്പോഴും വീടിനെ ലക്ഷ്യമാക്കി നല്ലവണ്ണം ഓടിക്കൊണ്ടിരുന്നു.

ആലോചിക്കൂ...

വാഹനം ഓടിക്കുമ്പോൾ ഫോണിൽ സംസാരിക്കരുത്. സുരക്ഷിതമായി പാർക്കു ചെയ്തതിനു ശേഷം സംസാരിക്കുക. ഫോൺ കട്ടാവുമെന്ന് വിചാരിച്ച് തിടുക്കം കൂട്ടരുത്. കാരണം, നിങ്ങൾക്കു തിരിച്ചുവിളിക്കാമല്ലോ. ചിലർ കാണിക്കുന്ന ഒരു ദു:സ്വഭാവമുണ്ട്. വലിയ കാറുമായും മറ്റും തീരെ കുറഞ്ഞ വേഗത്തിൽ ഫോണില്‍ സംസാരിച്ചുകൊണ്ട് ഓടിച്ചു സ്വന്തം സുരക്ഷ ഉറപ്പാക്കുന്ന അതിബുദ്ധി! എന്നാൽ, ഇവിടെ മറ്റൊരു പ്രശ്നമുണ്ട്. ഈ വാഹനം മുന്നിൽ സൃഷ്ടിക്കുന്ന തടസ്സം പിറകിലുള്ള വാഹനങ്ങൾക്ക് ബുദ്ധിമുട്ടുണ്ടാക്കും. അങ്ങനെ, പിൻവാഹനങ്ങൾ ക്ഷമ നശിച്ച് രണ്ടും കല്പിച്ച് ഓവര്‍ടേക്ക് ചെയ്യുന്ന വേളയിൽ അപകടവും ഉണ്ടായേക്കാം.

To download this safe Google drive pdf file-72, click here-

https://drive.google.com/file/d/0Bx95kjma05ciRllya3RxbFY1a2c/view?usp=sharing&resourcekey=0-X4Hf3EBo3Rq0H216AqORsA

MOST VIEWED POSTS

Best 10 Malayalam Motivational stories

മലയാളം വാക്യത്തിൽ പ്രയോഗം

(533) പുല്ലിംഗം, സ്ത്രീലിംഗം

പഞ്ചതന്ത്രം കഥകള്‍ -1

Opposite words in Malayalam

അറബിക്കഥകള്‍ -1

ചെറുകഥകള്‍

ഹോജ-മുല്ലാ-കഥകള്‍ -1